থৌবাল, ওক্টোবর ৩০ : রাইটার্স এসোসিয়েসন ককচীংনা শিন্দুনা মণিপুরী শৈরেংগী নুমিৎ থৌরম হৌখিবা থাংজ নুমিৎতা ককচিং চুম্নাং লৈকাইদা লৈবা রিপ্রেজেন্টেটিব ওফ লোইস (রোল) ককচিংগী ওদিটোরিয়ামদা পাঙথোকখিবগা লোয়ননা শ্রী কৃষ্ণ কর্নামরিত্রা হায়বা লাইরিক অমসু ফোঙেখ্রে।

থৌরম অদুদা রাইটার্স এসোসিয়েসন ককচিংগী প্রেসিদেন্ট পুখ্রম্বম নিমাইনা থৌরম মপু, সাউথ ইষ্ট মণিপুর কলেজ কোম্লাথাবীগী এসিস্টেন্ট প্রোফেসার ক্ষেত্রিময়ুম বিরোহিনি দেবীনা গেষ্ট ওফ ওনর ওইখি। থৌরম অদুদা শরুক য়াখিবশিংনা ডাক্তর কমলগী ফোটোদা হৈকৎ লৈকৎ তমদুনা ইকায়খুম্নবা ঊৎখি। রাইটার্স এসোসিয়েসন ককচিংগী সেক্রেটারী বীরমঙ্গল মোইরাংথেমনা মহাক্কী ওইবা ৱারোল ফোঙদোকখি।

রাইটার্স এসোসিয়েসেন ককচিংগী প্রেসিদেন্ট ওইরিবা ককচিং চুম্নাং লৈকাইদগী পুখ্রম্বম নিমাইনা মণিপুরীদা হন্দোকপা অদুগা মালোম তুলিয়ামাইদগী ডাক্তর চান্দম ইবোমচানা পুথোকপা লাইরিক ‘শ্রী কৃষ্ণ কর্নামরিত্র’ হৌনবী মতুংইন্না ফোঙখি। ফোঙখিবা লাইরিক অদুগী মরমদা দিবাইন লাইফ সোসাইতি, মচিন মনাও সেবা আশ্রম ককচিংগী প্রেসিদেন্ট রিটয়ার্দ সিএমও ডাক্তর নোংমাইথেম নবকিশোরনা লাইরিক মশক তাকখি।

মণিপুরগী শৈরেংগী নুমিৎকী মরমদা এসোসিয়েসনগী প্রেসিদেন্ট নিমাই পুখ্রম্বম নিমাইনা ৱা ঙাঙখি অইবী অইবা কয়ানা শরুক য়াদুনা শৈরেং শৈদিন্নবা অমসু পাঙথোকখি হায়রি ।

সোর্স: সঙাই এক্সপ্রেস