image

মণিপুরী ফিল্মগী শক্নাইরবী এক্টর অমদি সিঙ্গার সুস্মিতা মংশাতাবমনা শিংজু ফেষ্টিভেল ২০২২ গী ব্রান্ড এম্বেসেদর ওইরগনি

ইম্ফাল, দিসেম্বর ১১ : মণিপুরী ফিল্মগী শক্নাইরবী এক্টর অমদি সিঙ্গার সুস্মিতা মংশাতাবমনা শিংজু ফেষ্টিভেল ২০২২গী ব্রান্দ এম্বসেদর ওইরগনি হায়না ফেষ্টিভেল কম্মিটিগী কনভিনার রাকেশ নাওরেমনা লৈবাক মীয়ামদা লাউথোকখ্রে হায়না ফেষ্টিভেল কম্মিটিগী মীদিয়া কোওর্দিনেটর ওজিৎ সোরোখাইবমনা থাদোরকপা চেরোল অমনা ফোঙদোরক্লি।

ঙসি অয়ুক হৈঙাং এ সীগী মনুং চনবা অহল্লুপ মখা লৈকায়দা মহাক্কী মপুরোইবা কোন্সম নিতরঞ্জন য়াওনা ফেষ্টিভেল কম্মিটিগা ফেষ্টিভেল অসিগী ব্রান্দ এম্বেসেদর ওইবগী য়ান-ৱারোলগী খুৎয়েক অমা সুস্মিতাগা পীনখি। শক্নাইরবী ফিল্ম এক্টর অমদি শৈশকপী সুস্মিতানা শিংজু ফেষ্টিভেল ২০২২ গী ব্রান্দ এম্বেসেদর ওইরকপগী নুংঙাইবা ফোঙদোক্লদুনা ফেষ্টিভেল অসিগী কনভিনর রাকেশ নাওরেমনা ফোঙদোকখিবদা, ইবুধৌ মার্জিংগী মশাইকোল মার্জিং পোলো কমপ্লেক্সতা থা অসিগী চৈচৎ ২৮দগী মথং চহীগী জানুয়ারি চৈচৎ ৮ ফাওবা নুমীৎ ১২নি চুপ্না পাঙথোক্কদৌরিবা ফেষ্টিভেল অসি ইন্টারনেসনেলগী থাক্তা পাঙথোক্নবা শেম শাবা হৌরে।

ফেষ্টিভেল অসিদা য়ুমথংনরিবা ষ্টেট অনী হায়বদি আসাম অমদি ত্রিপুরাগী মৈতৈশিংগী ষ্টোলশিং য়াওনা বাংলাদেশ লৈবাক্তা চোইজাইননা খুন্দারিবা মৈতৈ ইচিল-ইনাওশিংগী মহুৎ শীন্দুনা মণিপুরী কালচারেল কমপ্লেক্স বাংলাদেশকী মখাদা বাংলাদেশগী শিংজু অমদি হেন্দলুম এন্দ হেন্দিক্রাফটকী ষ্টোলশিং য়াওহন্নবসু থৌরাং তৌরে হায়খি।

হন্দক পাঙথোক্কদৌরিবা শিংজু ফেষ্টিভেল অসিনা মণিপুর অমদি মণিপুরদগী চোইজাইননা খুন্দ্রাখ্রবা ইচিল-ইনাওশিংগী মরক্তা হেন্না নুংশিনবা পুরকপদা নত্তনা লমদমসিগী ইন্দিজিনাস ফুদ অমদি কালচার ঙাকপদা মতেং খরদং ওইরবসু পাংলগনি থাজৈ। ফেষ্টিভেল অসিদা লৈবাক মীয়াম্না সার্পোর্ট তৌবীয়ু। ফেষ্টিভেল অসিগী মতাংদা কনাগুম্বা মীওইশিংনা সোসল মীদিয়া য়াওনা অতৈ প্লেটফোর্মশিংদা লৈবাক মীয়ামদা লান্না উহনবা য়াবা মওংগী অরানবা পাউশিং শন্দোকপীদনবসু আপীল তৌজরি। লোয়ননা ফেষ্টিভেল মনুংদা পামদবা থৌদোকশিং থোক্তনবগীদমক্তসু লৈবাক মীয়ামদা হায়জরি হায়খি।

হন্দক পাঙথোক্কদৌরিবা ৬লক শুবা শিংজু ফেষ্টিভেল ২০২২ অসিগী ব্রান্দ এম্বেসেদরগা খুৎয়েক পীনবগী থৌরম অদুদা ফেষ্টিভেল অসিগী এদভাইজর নাওরেম খম্বা লুৱাং, ভাইস প্রেসিদেন্ট এস প্রেমলতা, কনভিনর রাকেশ নাওরেম, প্রোগ্রাম কো-ওদির্নেটর এস কে অপানবা, ফাইনান্স সেক্রেটারি ৱাইখোম বিহারী, এসিষ্টেন্ট ফাইনান্স সেক্রেটারি কোঞ্জেশ্বর মংশাতাবম অমদি এগজিক্যুটিভ মেম্বার কয়াসু শরুক য়াখি।

শিংজু য়োকখৎপা লূপ (এস ৱাই ও এল) ইম্ফাল মণিপুরগী মীৎয়েং মখাদা শিংজু ফেষ্টিভেল কম্মিটি ইবুধৌ মার্র্জিং খুভম কনবা লূপ হৈঙাংগা খুৎশম্নরগা তোঙান তোঙানবা নাৎকী ওইবা থৌরম কয়াগা লোয়ননা পাঙথোক্কদৌরিবা অসিদা মীয়াম্না ফুদ ষ্টোল য়াওনা অতৈ খুৎ-শা হৈবগী ষ্টোলশিং ফম্বীবা য়াগনি। লোয়ননা লমদমসিগী কালচারেল ওর্গানাইজেসনশিং অমদি লন্নাই আর্টিষ্টশিংনা কালচারেল প্রোগ্রামশিংসু উৎপীবা য়াগনি হায়নসু চেরোল অদুনা মখা তানা ফোঙদোরক্লি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু