দলিট সাহিত্য একাডেমিনা ষ্টেট, নেশনেল অমদি ইন্টারনেশনেল এৱার্দশিং লান্থোকখ্রে
ইম্ফাল, জানুয়ারি ১৫ : ভারতিয়া দলিট সাহিত্য একাডেমি, মণিপুরনা শিন্দুনা ঙসি মণিপুর প্রেস ক্লাবতা পাঙথোকখিবা চিংলেমবা থৌরম অমদা একাডেমি অসিনা পিবা স্টেট, নেশনেল অমদি ইন্টারনেশনেলগী এৱার্দশিং লমদমসিগী শক্নাইরবা মীওই কয়াদা লান্থোক্তুনা ইকায়খুম্নবা উৎখ্রে। একাডেমি অসিনা ইন্টারনেশনেল এৱার্দ-২০২১ ফংলবশিংগী মনুংদা এমডি আব্দুল লতিফ, গোলমৈ রোই কবুই, এস কে অপানবা, রাকেশ নাওরেম, এম মনিতোন, ঙৌবা থৌনা, এন সান্তা, এল বাবু মৈতৈ, খাঙেম্বম রাজেশ্বরি, ডা: অথোকপম উমাবতি, ই পরশুরাম, এস ভাবা, এস কুঞ্জবিহারি, এম লেকেন, এল যতিননচিংবা শক্নাইরবা মীওই কয়া য়াওরি।
এৱার্দ লান্থোকপগী থৌরম অদুদা ওল মণিপুর ৱার্কার জার্নেলিষ্ট য়ুনিয়নগী প্রেসিডেন্ট ৱাংখেমচা শ্যামজাইনা অথোইবা মীথুং, দলিট সাহিত্য একাদেমি মণিপুরগী প্রেসিডেন্ট তেকচম রামেশ্বরনা থৌরম মপু, ভারতিয় দলিট সাহিত্য একাডেমিগী জেনারেল সেক্রেটারি য়ুম্নাম মহেন্দ্রকুমার অমদি সোসিয়েল এক্টিভিষ্ট সাবিত্রিনা অখন্নবা মিথুংলেন ওইনা শরুক য়াখি।
থৌরমগা মরি লৈননা অথোইবা মীথুংলেন ওইনা শরুক য়াখিবা দব্লিয়ু শ্যামজাইনা হায়খিবদা, ইরমদম মণিপুর অসি হিরম কয়াদা কত্থোকপগা লোয়ননা থবক তৌবা মীওই কয়া লেপ্তনা থোরক্লি। অদুবু মখোয়বু সাপোর্ট তৌবিবা ইনখৎপিবদি য়াম্না তাংনা থোক্লি। ঐখোয় মসেল অমনা অমবু চিংখৎনবগী তঙাইফদবা লৈ। লমদম অসি চাওখৎপা লমদম অমা পুরকসি হায়বা তারগদি ঐখোয় অমনা অমগী অফবা থবকশিংবু শকখঙবিবগা লোয়ননা ইকায়খুম্নবগী হৌনবী থম্বা মথৌ তাই।
শ্যামজাইনা মখা তানা হায়খিবদা, দলিট সাহিত্য একাডেমিনা লমদমসিগী মীওই কয়াদ অসুম্না শক খঙবিদুনা অৱাংবা থাক্তা ইকায় খুম্নবা অসিনা লমদম অসিগী মীয়াম্না মান মানা পামজবা থবক থৌরমশিং অদুদা হেন্না হোৎননিংবগী অচৌবা ইনোট অমা শোইদনা পীরগনি হায়খি।
সোর্স : পান্দম
0 কমেন্ট:
কমেন্ট তৌবিয়ু