ত্রিপুরাগী খোঙচত্তা কেন্দ্র মন্ত্রী আরকে রঞ্জন নুপী লূপকী মীহুৎশিংগা ৱারী শান্নখ্রে
আগরতলা, নভেম্বর ১৬ : নুমিৎ হুম্নিগী খোঙচত্তা ত্রিপুরাদা লাক্লম্বা কেন্দ্রগী মন্ত্রী ড. আরকে রঞ্জননা লমদম অসিগী নুপীগী লুপ তখেল লৈমা তেংবাং লুপকী মীহুৎশিংগা ৱারী শান্নখ্রে। ঙরাং নভেম্বর ১৫ আগরতলা গেস্ট হাউসতা লুপ অসিগী সেক্রেটারী খোইস্নাম ওংবী বীরলা, হিজম ওংবী বাবলী, প্রতিমা শর্ম্মা অমসুং এল রঞ্জন শর্ম্মা য়াওনা মীহুৎ কাঙবুশিংগা লোয়ননা মরূপ পাউচেগী জয়েন্ট ইডিটর আরকে তরুনজিৎসু মন্ত্রী আরকে রঞ্জনগা উন্নদুনা মপান মণিপুরদা মশীং লিক্না তারিবা ত্রিপুরাগী মণিপুরী খুন্নাইনা থেংনরিবা অৱাবা অমদি মখোয়গী পুন্সি মহিংদা অহোংবা কয়াগী মরমদা ৱারী শান্নখি। লদমম অসিদা নিংথৌ পাল্লিঙৈ মতমগী নীংশিং খুভম কয়াগী পুৱারীগী মতাং অমসুং নীংতম লান্মী সনা চহী অহুমগী খুভম দর্শন তৌবগী অপাম্বসু মহাক্না ফোঙদোকপীরম্মী।
সোর্স: মরূপ
0 কমেন্ট:
কমেন্ট তৌবিয়ু