চহি অমা চুপ্না পাঙথোক্কদবা মহারাজকুমারী বিনোদিনীগী ১০০ শুবা মপোক কুমওন থৌরম হৌদোকখ্রে
ইম্ফাল, ফেব্রুয়ারি ৬ : লৈমরোল খোর্জ্জেকোল (লৈকোল) না শিন্দুনা চহি অমা চুপ্না পাঙথোক্কদবা মহারাজকুমারী বিনোদিনীগী ১০০ শুবা মপোক কুমওন থৌরম ঙসি মণিপুর ড্রামাটিক য়ুনিয়ন, ইম্ফালগী হোলদা হৌদোকখ্রে। থৌরম অসিগা মরি লৈননা মেমোরিয়েল লেকচার অমদি লৈকোল চেফোং অমসু ফোংখি।
ঙসিগী থৌরম অদুদা মণিপুর ষ্টেট উইমেন কমিশনগী হান্নগী চেয়ারপার্সন প্রোফেসর চোংথাম যামিনী দেবী, মণিপুর য়ুনিভার্সিটিগী ডিন অব হিউমেনিটিজ প্রোফেসর নহাকপম অরুনা, লৈমরোল খোর্জ্জৈকোলগী প্রেসিডেন্ট ক্ষেত্রিময়ুম সুবদনী অমদি মণিপুর সাহিত্য পরিষদ, ইম্ফালগী হান্নগী প্রেসিডেন্ট প্রোফেসর থোইদিংজম তোম্বিনচিংবা মীওইশিং শরুক য়াখি।
থৌরমগী মনুং চন্না শরুক য়াখিবশিংনা লাইওইখ্রবী অইবী মহারাজকুমারী বিনোদিনীগী মফমদা হৈকৎ-লৈকৎ তমদুনা ইকায় খুম্নবা উৎখি। তুংদা মেমোরিয়েল লেকচার; এম কে বিনোদিনী অমসুং আর্ট হায়বসিদা প্রোফেসর তোম্বিনা ৱা ঙাংখি। থৌরমগা মরি লৈননা লৈমরোল খোর্জ্জৈকোলগী পেসিডেন্ট ক্ষেত্রিময়ুম সুবদনীনা হায়, এম কে বিনোদিনীগী ১০০ শুবা মপোক কুমওন থৌরম অসি লৈকোলনা শিন্দুনা চহি অমা চুপ্না পাঙথোক্কনি। চহি অমা চুপ্না পাঙথোক্কদবা অসিগী মনুং চন্না থা খুদিংগী এম কে বিনোদিনীগী মরমদা কালচারেল ফোরাম মণিপুরনা শিন্দুনা শক্নাইরবী অইবী মহারাজকুমারী বিনোদিনী দেবীগী ১০০ শুবা মপোক কুমওন থৌরম ঙসি ওল্ড এসেমব্লি রোড ইম্ফালদা লৈবা মণিপুর লেজিসলেটিব এসেমব্লি মিউজিয়াম অমসুং আর্কাইবস মিনি অডিটোরিয়ামদা পাঙথোকখ্রে হায়না ফোরাম অসিগী জেনারেল সেক্রেটারি ক্ষেত্রি রাজেননা থাদোরকপা চেরোল অমনা ফোঙদোরক্লি।
চেরোল অসিনা হায়, প্রোফেসর হুইরেম বিহারী, প্রেসিডেন্ট, দি কালচারেল ফোরাম মণিপুরনা থৌরম মপু ওইনা শরুক য়াখি অমসুং ডোঃ কোইজম শান্তিবালা, এসোসিয়েট প্রোফেসর, এম য়ুনা সাহিত্য অমসুং বিনোদিনী হায়বা হীরমদা ৱা ঙাংখি হায়না চেরোল অসিনা মখা তানা ফোঙদোরক্লি।
সোর্স: পান্দম
0 কমেন্ট:
কমেন্ট তৌবিয়ু