খাইদেম প্রমোদিনীগিী ১০০ শুবা মপোক নুমিৎকী অনীশুবা থাগী থৌরম পাঙথোকখ্রে
ইম্ফাল, ফেব্রুয়ারি ৬ : লময়ানবী অইবী খাইদেম প্রমোদিনীগী ১০০ শুবা মপোক নুমিৎকী অনীশুবা থাগী থৌরম ঙসি লৈমরোল খোর্জৈকোল (লৈকোল) না শীন্দুনা ক্বাকৈথেল মোইরাং পুরেলদা লৈবা লৈকোলগী ওফিসতা পাঙথোকখ্রে।
আর্ট এন্দ কলচার দিপার্তমেন্তকী সি এম এ তিগী শেন্থঙ মখাদা পাঙথোকখিবা থৌরম অদুদা চীফ গেস্তকী ৱারোল পীরদুনা ইম্ফাল ওয়েস্টকী উপ-অধ্যক্ষ দাঃ লাইশ্রম বোবী দেবীনা হায়, ঐখোয় ইশাগী হৌরকফম খঙনবা হোৎনবদা সাহিত্য অসি য়াম্না মরু ওই। অইবা, অইবীশিংনা নীংতম্না ইবা ঙম্বগী থৌনা অদু লোক্তুনা থম্বীগনু। লৈবাক অমা ফহনবা হায়বা অসিদা অইবশিংগী অচৌবা থৌদাং লৈ। অইবশিংবু থৱায় হাপ্তুনা পাঙ্গল লৈহন্নবা ঐখোয় পূন্না হোৎনসি।
লময়ানবী খাইদেম প্রমোদিনীনা ইমা লৈবাক্কীদমক থম্বীরম্লিবা লনগৈশিং অসি শীংথাবগী লোইবা নাইররোই হায়রদুনা মহাক্না মখা তানা হায়, লময়ানবী অসিগী থৌনা লিংজেল অসি তমজনিংঙাইনি। ঐখোয়গী অইবা অইবীশিংনা থম্বীরম্লিবা সাহিত্যগী পূক্কৈ অসিনা লমজিং মৈরা ওইদুনা লমদম অসিগী সাহিত্যগী লনগৈ অসি হেনগৎহন্নবা হোৎনসি। নুপীশিংবু অৱাংবা থাক্তা লৈরবা মতমদা খুন্নাই অসি চাওখৎপা ঙমগনি। মসি ঐখোয় পূন্না খঙমিন্নবা চঙই। লোয়ননা নুপী ওইবীশিংনা নুপীবু হন্থনা য়েংবগী চৎনবী অমা লৈরিবা অসি হোংদোক্নবা হোৎনসি হায়না ফোঙদোকখি।
হুইয়েন লানপাওগী সেনিয়র রিপোর্তর নোমিতা খোংবান্তাবমনা হায়, গুৱাহাতিদা ফোঙবা ‘ইচেম্মা’ জর্নেলদা ফোঙখিবা খাইদেম প্রমোদিনীগী পাউমদমশিং অসি লাইরিক ওইনা ফোঙলগনি। মসিদা নত্তনা লময়ানবী খাইদেম প্রমেদিনীগী থৌরম অমসু গুৱাহাতিদা পাঙথোক্নবা শেম শারি হায়খি।
লৈকোলগী ভাইস প্রেসিদেন্ত ঙাঙোম একাশিনীনা প্রেসিদেন্ত ওইনা শরুক য়াখিবা থৌরম অদুগী শরুক অমা ওইনা শৈরেং পাথোকখিবা অদুদা স্তেন্দার্দ কলেজগী রিতয়ার্দ প্রিন্সিপাল চোংথাম ওংবী সুবদনীননা মোদরেতর ওইখি।
সোর্স: পোক্নফম
0 কমেন্ট:
কমেন্ট তৌবিয়ু