image

কাছারদা পাঙথোকখিবা ‘শক্নাইরবশিংগী লিক্লু পরেং’ কৌবা অহানবা সোলো আর্ট এগজিবিসনদা পাউচে অসিগী এদিটরগী ফোটো উৎখ্রে  

ইম্ফাল, জানুয়ারি ১৫ : আসামগী কাছারগী বিনাকান্দি পার্ট টুদা লৈবা সাউথ বরাক কমপ্লেক্সতা থা অসিগী ৩দগী ঙসি ফাওবা নুমিৎ হুমনি চূপ্না চত্থখিবা ‘শক্নাইরবশিংগী লিক্লু পরেং’ কৌবা অহানবা সোলো আর্ট এগজিবিসনদা শক্নাইরবা মীওই ২৮ গী য়াঙ্গোক্তা য়েকপা ফোটোশিং উৎখিবদা পাউচে অসিগী এদিটর মাইবম ধনবির মীতৈগী ফোটোসু ঊৎখ্রে।

নুমিৎ হুমনি চত্থখিবা আর্ট এগজিবিসন অসিগী মনুংদা খুনুং ঈশৈগী দেমোন্সত্রেসন অমসুং শৈরেং শৈদিন্নবগী থৌরমসু পাঙথোকপগা লোয়না কাছারগী শক্নাইরবা লাই য়েকপা মৈস্না চন্দ্রমোহনগী ইমুংনা শীন্দুনা পেন্টিং কম্পিটিসন অমসু পাঙথোকখি।

কাছারগী ফুলরেটোনদা হেদ ওফিস ওইবা লক্ষিপুর সাব দিবিজনগী এন জি ওশিং অমসুং ভোলন্টরি ওর্গানাইজেসনশিংগী অপূনবা লূপ অমা ওইরিবা য়ুনাইটেদ ক্লাবস ওর্গানাইজেসন, লক্ষিপুরনা থৌরম অসি শিনখিবনি।

সোলে আর্ট এগজিবিসন অসিদা উৎখিবা অপূনবা ফোটো ২৮গী মনুঙদা ১৪না আসামগী শক্নাইরবা মীওইশিংগী ফোটোশিংনি। মখোয়গী মনুংদা চীফ মিনিষ্টর হিমন্ট বিশ্বা সর্ম, এগ্রিকালচার মিনিষ্টার অটুল বোড়া অমদি লক্ষিপুরগী এম এল এ কৌশিক রোয়গী ফোটোনচিংবা য়াওখি অদুগা মণিপুরগী ফোটো ১৪গী মনুংদা হুইয়েন লানপাউগী এদিটর মাইবম ধনবির মীতৈদা নত্তনা শক্নাইরবা মণিপুরগী খুনুং ঈশৈ শৈশকপী লৌরেম্বম বেদপতি, জেনিমসকী দিরেক্টর প্রোফেসর এল দেবেন, আকাশবানি ইম্ফালগী এনাউন্সর ওইরম্বী য়েংখোম জুগেশ্বরি অমদি মণিপুরগী শক্নাইরবী শৈশকপী চোংথাম কমলা অমসুং ইম্ফালদা বেজ তৌবা দি ফ্রোন্টিয়ার মণিপুরগী এগজিক্যুটিভ এদিটর পাউজেল চাউবগী য়াঙ্কোক্তা য়েকপা ফোটোসু য়াওখি।

সোলো আর্ট এগজিবিসন অসিগী মনুং চন্না হৌজিক খুনুং ঈশৈ মূৎশিল্লকপগী মরম অমসুং মতৌ করম তৌরগা হিঙ্গৎহনগদগে হায়বগী মতাংদসু খন্ন-নৈনবগা লোয়ননা দেমোন্সত্রেসন অমা পাঙথোকখি। অদুগা শৈরেং শৈদিন্নবগী থৌরমসু পাঙথোকখি।

সোলো আর্ট এগজিবিসন অসিদা মণিপুরগী অহানবা ওইনা য়াঙ্কোক্তা লাইশিং য়েক্লিবা য়েলহৌ য়াঙ্কোক আর্টিষ্ট থোইথোইবা ময়াংলম্বমনা য়েকপা লাইশিং উৎখি। অদুগা খম্বা-থোইবীগী য়াঙ্কোক্তা য়েকপা লাই অমসু য়াওখি। এগজিবিসন অসিগী ঙসি অরোইবা নুমিৎতা পাঙথোকখিবা লোইশিন থৌরমদা ‘ইচেমা’ চেফোঙগী এদিটর ডা. ফুরিৎশাবম বিরমনি, অইবা অমদি অইবীশিংগী পাউশাখোলগী প্রেসিদেন্ট এম কে অলৱা অমসুং চান্দমময়ূম মোহোননচিংবা শক্নাইরবা মীওইশিংনা শরুক য়াখি।

সোর্স: হুইয়েন লানপাউ.   

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু