আপডেট:
image

কমনওয়েল্থ গেমস ২০২২ তা জুদোকা লিকমাবম শুশিলানা সিলভর মেদেল ফংবা ঙমখ্রে

বার্মিংহাম, আগষ্ট ০১ : বার্মিংহামদা চত্থরিবা ২২ শুবা কমনওয়েল্থ গেমস (সী দব্লিয়ু জি) কী ঙসি মরিনি চনবা নুমিৎতা ষ্টেটকী জুদোকা লিকমাবম শুশিলানা জুদো মশান্নগী নুপীগী কেজি ৪৮গী কাঙলূপ্তা সিলভার মেদেল ফংদুনা ইন্দিয়াগী ৭ শুবা মেদেল ফংবা ঙমখ্রে।

মমাং চহীগি টোকিও ওলিম্পিক্সতা শরুক য়াখিবী লিকমাবম শুশিলানা নুপীগী কেজি ৪৮ কাঙলূপকী ফাইনেল বাউটতা সাউথ আফ্রিকাগী মিচেলা হ্বাইটবুলগী মখূৎতা মায়থিদুনা সিলভার মেদেল ফংবা ঙমখিবনি। মহাক্না ২০১৪গী গ্লাসগো কমনওয়েল্থ গেমসতসু সিলভার মেদেল ফংবা ঙমখিবনি।


অমরোমদা য়ুকেগী বার্মিংহামদা চত্থরিবা কমনওয়েল্থ গেমসকী নীনি চনবা নুমিৎ জুলাই ৩০দা ষ্টেটকী নুপী ওয়েথলিফটার অনী সাইখোম মিরাবাই চনু অমদি সোরোখাইবম বিন্দ্যারানীনা গোল্ড অমদি সিলভার মেদেল লৌরকপবু মণিপুর ওলিম্পিক এসোসিয়েসনগী মায়কৈদগী থাগৎপা অমদি নুংঙাইবা ফোঙদোরক্লি।

মিরাবাইনা নুপীগী কেজি ৪৯গী কাঙলূপ্তা পূন্না কেজি ২০১ থাঙ্গৎতুনা গোল্ড মেদেল ফংখিবনি। মহাক্না স্নেটচতা কেজি ৮৮ অদুগা ক্লিন এন্দ জার্কতা কেজি ১১৩ থাঙ্গৎখি। বিন্দ্যারানীনা পূন্না কেজি ২০২ থাঙ্গৎতুনা সিলভার মেদেল ফংখিবনি। মহাক্না ক্লিন এন্দ জার্কতা কেজি ১১৬ থাঙ্গৎতুনা নিউ গেম রেকোর্দ থম্বা ঙমখি। অদুগা স্নেটচতা কেজি ৮৬ থাঙ্গৎখিবনি।
 

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু