ইং ২০২৪গী স্তেত লিতরেচর এৱার্দশিং লান্থোকখ্রে
ইম্ফাল, মে ২৩ঃ ঈং-তপ্পা হঞ্জিলহনবা নত্তনা চাওখৎপা য়ারোই। তোঙান-তোঙানবা কাঙলুপনা খুন্দামিন্নবা লমদম অমা ওইবনিনা ৱারৌনবা কয়া লৈরগসু ৱারি শান্নরগা ঈং-তপ্পা মণিপুর অমা পুরক্নবা হোৎনবদা ময়াম্না মতেঙ পাংবীয়ু হায়না চীফ মিনিস্তর য়ূন্নাম খেমচান্দ সিংহনা ফোঙদোকখ্রে।
অইবা কাংজম ইবোহল সিংহদা মণিপুর স্তেত লাইফতাইম এচিবমেন্ত এৱার্দ ইন লিতরেচর লান্থোকখিবা
দিরেত্তোরেত ওব লেংগ্বেজ, প্লানিং এন্দ ইমপ্লিমেন্তেসন্না শীন্দুনা পেলেস কম্পাউন্দদা লৈবা এম এস এফ দি এস ওদিতোরিয়মদা ঙসি পাঙথোকখিবা ২০২৪গী স্তেত লিতরেচর এৱার্দশিং লান্থোকপগী থৌরমদা চীফ মিনিস্তর খেমচান্দনা ৱাফম অসি ফোঙদোকখিবনি।
ইং ২০২৪গী ওইনা ওইনা অইবা কাংজম ইবোহল সিংহ (আই এস কাংজম) দা মণিপুর স্তেত লাইফতাইম এচিবমেন্ত এৱার্দ, অইবী অরাম্বম ওংবী মেমচৌবী দা মণিপুর স্তেত এৱার্দ ফোর লিতরেচর অমসুং অইবা অকোইজম জিতেনদা মণিপুর স্তেত য়ং রাইতর্স এৱার্দ ফোর লিতরেচর - লান্থোকখি। এৱার্দশিং অসিদা মথং শিৎনা শেলগী মনা লুপা লাখ মরি, লুপা লাখ অহুম অমসুং লুপা লাখ অমা, সাইতেসন অমা অমসুং য়েংলন ফি য়াওরি।
অইবী অরাম্বম ওংবী মেমচৌবী দা মণিপুর স্তেত এৱার্দ ফোর লিতরেচর লান্থোকখিবা
এৱার্দশিং অদু লান্থোকখিবা চীফ মিনিস্তর যূন্নাম খেমচান্দনা 'লিতরেচরনা খুন্নাই অমগী য়াংলেন শরুনি' হায়বা ৱাফম থমখি। মহাক্না হায়খি, স্তেতকী শেন্মীৎলোন অসি অদুক্কী মতীক শোকলে। নোংমগী চরা তাল্লগা চাজবা ইমা-ইবেল, ইচে-ইচলশিংনা ফংলিবা চৈথেং অসিগী মরম্দা করিগুম্বা তঞ্জা অমদা গবর্নমেন্ততা শাওবা মতমদা বন্দ হেক তৌবীবা অসি তৌবীগনু। মীয়াম্না পেন্দবগী গবর্নমেন্ততা তাইনবদা ইশানা য়াই। এজিতেসন তৌবা মতমদা মীয়ান্না নোংমগী চরা তাল্লিবশিংনা বা খনবীরগা তৌবীয়ু ৱাদনবা খনবিরগা তৌবিয়ু ।
শাওনিংলে হায়দুনা খুন্নাইদা কায়গদবা থবক তৌবীগনু।
অইবা অকোইজম জিতেনদা মণিপুর স্তেত য়ং রাইতর্স এৱার্দ ফোর লিতরেচর লান্থোকখিবা
খোঙজং চঙশিল্লিবনি হায়দুনা রোদ মিদিয়ানদা খারিবা য়োৎশিংদু লোইনা ফুক্তৎলে। মকক মকক কক্লগা নাওরী মরূ শারগা পুলিসতা কাপ্লে। মদুদা পুলিসসু শাওরবনিনা তিয়ার গ্যাস কাপ্লে, অশোক অপন নংলে। অদুনা পূম্নমক শোকমিন্নগদবা খোঙজং চঙশিনবীগনু হায়না চীফ মিনিস্তরনা আপিল তৌখি।
থৌরম অদুদা আর্ত এন্দ কলচর মিনিস্তর খুরাইজম লোকেন সিংহনা প্রসিদেন্ত ওইনা শরুক য়াখি।
সোর্স - পোক্নফম
0 কমেন্ট:
কমেন্ট তৌবিয়ু