আসামগী লক্ষিনগরদা অথৌবশিংগী নুমিৎ পাঙথোকখ্রে
ইম্ফাল, আগস্ত ১৩ : অপূনবা মৈরা পায়বী লূপ গোলাঘাত দিস্ত্রিক্ত, ওল আসাম মণিপুরী স্তুদেন্তস য়ুনিয়ন (আমসু) অমসুং মণিপুরী সাহিত্য পরিষদ আসাম (এম এস পি এ) গোলাঘাত দিস্তিক্ত কমিতিনা পূন্না শীন্দুনা ১৩৩শুবা অথৌবশিংগী নুমিৎ থৌরম অমা আসামগী গোলাঘাত দিস্তিক্তকী মনুং চন্না লৈবা লক্ষিনগরদা পাঙথোকখ্রে হায়রি।
থৌরম অদুদা য়ু এল ই এস সি ও মণিপুরগী জেনারেল সেক্রেতরি রমানন্দ সাইরেমচানা অথোইবা মীথুং, মণিপুরী সাহিত্য পরিষদ আসাম গোলাঘাত দিস্ত্রিক্ত কমিতিগী প্রেসিদন্ত থোকচোম মণিকুমার সিংহনা অঙম্বগী ফমদা লৈতেংখি। লক্ষিনগরগী জি বি সিনাম লীলা সিংহ, এম এস পি এ গোলাঘাত দিস্ত্রিক্ত কমিতিগী হান্নগী প্রেসিদেন্ত সোরাইজম গৌরমোহন সিংহ, কৈশাম নেনা মীতৈ, এম এস পি এ লক্ষিনগর ব্রাঞ্চ কমিতিগী হান্নগী প্রেসিদেন্ত চিংলেন সিংহ, সোইদুর রহমন চৌধুরি, অপূনবা মৈরা পায়বী লূফ আসাম গোলাঘাত দিস্ত্রিক্তকী কমিতিগী প্রেসিদেন্ত লৈফ্রাকপম শখি লৈমা অমদি সেক্রেতরি ৱাইখোম তম্ফাসনা লৈমা, ভি দি পি লক্ষিনগরগী সেক্রেতরি য়েন্দ্রেম্বম প্রিয়োকুমার সিংহনা অখন্নবা মীথুংশিং ওইনা শরুক য়াখি।
অয়ূক পূং ৮ তাবা তমদা এম নিশিকান্ত মীতৈনা হৈকৎ লৈকৎ লমজিংদুনা হৌদোকখিবা থৌরম অদুদা মণিপুরী সাহিত্য পরিষদ আসাম গোলাঘাত দিস্তিক্ত কমিতিগী সেক্রেতরি কেঐচ সনাতোম্বা মীতৈনা থৌরমগী নুংগী ওইবা ৱারোল পাথোকখি।
সোর্স: পোক্নফম
0 কমেন্ট:
কমেন্ট তৌবিয়ু