আর কে সনাহনবীদা ভাসাই কলা সম্মান পীদুনা ইকায়খুম্নখ্রে
ইম্ফাল, সেপ্তেম্বর ১৫ : উত্তর প্রদেশকী ভারনসিগী কাসিদা লৈবা বিশ্বনাথ ধামদা পাঙথোকখিবা ভাসাই কলা সঙ্গম ২০২৪ (ইন্দিয়ান লেংগ্বেজ দে) গী থৌরমদা মণিপুরদগী রাজকুমারী সনাহনবী দেবী য়াওনা লৈবাক অসিগী পার্ফোরমিং আর্তিস্ত ২৪ দা ভাসাই কলা সম্মান পীদুনা ইকায়খুম্নবা ঊৎখ্রে।
লৈবাক অসিগী খ্বাইদগী লিরবা নিউজ এজেন্সি অমা ওইনা হিন্দুস্তান সমাচারনা আর্তিস্তশিং অদুবু ইকায়খুম্নবা ঊৎখিবনি। থৌরম অদুদা উত্তর প্রদেশকী দিপুতি চীফ মিনিস্তর বিহার বিজয় কুমার সিনহানা চীফ গেস্ত ওইনা শরুক য়াখিবগা লোয়ননা বৃন্দাবন্দগী রিতেশ্বর স্বামি মহারাজা অমসুং হিন্দুস্তান সমাচারগী ওফিসিএলশিংসু থৌরম অদুদা শরুক য়াখি।
মণিপুরী জগোয়গী লমদা থোইদোক হেন্দোকপা থবক তৌবগীদমক মণিপুরী জগোয় মরুপকী ইনস্ত্রক্তর রাজকুমারী সনাহনবীবু ইকায়খুম্নবা ঊৎলকখিবনি। আসাম অমসুং ত্রিপুরাদগী আর্তিস্ত অমমমসু সাইতেসন অমসুং শাল অমমম য়াওবা সম্মান অসি পীদুনা ইকায়খুম্নখি।
সোর্স: পোক্নফম
0 কমেন্ট:
কমেন্ট তৌবিয়ু