কানাডাগী মন্ত্রিয়ালদা লাইরিক অনি ফোংখ্রে
মিরর ডেস্ক, মে ২০ : হৌখিবা মে'গী তাং ১৮, ২০২৫ নোংমাইজিং নুমিৎ অয়ুক পূং ১১ তাবা মতমদা কানাডাগী মন্ত্রিয়াল সিটিদা লৈবা বাংলাদেশ হিন্দু টেম্পল ওডিটোরিয়ামদা হামোম প্রমোদ না ইবা লাইরিক ‘বাংলাদেশতা মীতৈলোন অমসুং অখন্নবা ৱারেং’ অমসুং অনন্ত কুমার নিশি' গী ‘কবিতায় তোমাকে’ কৌবা বাংলাগী শৈরেং লাইরিক ফোংবগী থৌরম অমা মণিপুরী মিররনা শিনলাংদুনা পাংথোকখ্রে।
থৌরমদা শরুক য়াখিবা ৱাঙাঙলোয় অমদি আর্টিষ্ট পুম্নমক্কা কবি অনন্ত কুমার নিশি অমসুং অইবা হামোম প্রমোদ
মণিপুরী জগোয়গী শকনাইরবা গুরু পেবম শান্তিবালা দেবীনা থৌরম মপু অমসুং মণিপুরী মিররগী ইদিতর শেরাম রিপননা কনডাক্ট তৌখিবা থৌরম অদুদা কবি আব্দুল হাসিবনা ওয়েলকাম এড্রেস পিরদুনা ময়াম্বু তরাম্না ওক্তুনা থৌরম হৌদোকখি। লাইরিক ফোংবগী থৌরম অদুদা বাংলাদেশতগী লাকপা বাংলা এডাডেমী লিটারেরি এৱার্দ ফংলবা অইবা অমসুং রিসার্চার তাজুল মোহাম্মদনা চীফ গেষ্ট, লিংগুইষ্ট, রাইটার, অমদি হন্দোকলোয় অমসু ওইরিবা ফ্র্যাঞ্চ লোনগী প্রোফেসর ড. শিশির ভট্টাচার্যনা প্রধান বক্তা (মরু ওইবা ৱাঙাঙলোয়) অমসুং ইংলিশকী প্রোফেসর, অইবা ড. বিদ্যুৎভৌমিকনা বুক রিভিউৱর ওইনা শরুক য়াখি।
কবি অনন্ত কুমার নিশি'না ৱাহৈ খরা ফোংদোকচবগী মতাং
লাইরিক ফোংবা থৌরমগী অরোয়বা সেসনদা মন্ত্রিয়ালদা লৈবা বাংলাগী শক্নাইরবা বাচিক শিল্পী (ভোকাল আর্টিষ্ট) মিস্টার সঞ্জিব দাস অমসুং মিষ্টার মুফতি ফারুক য়াওনা শরুক য়াদুনা ফোংলিবা শৈরেং লাইরিক অদুদগী বাংলা অমসুং মৈতৈলোনদা হন্দোকতুনা শৈরেং পাথোকপগী থৌরম অমসু পাংথোকখি।
0 কমেন্ট:
কমেন্ট তৌবিয়ু