• 30
• ১২ই অগাস্ট ২০২৬ ইং
• Share on:

কবি নোংশাতাবম নিরঞ্জন দত্তদা লাইফটাইম এচিভমেন্ট এৱার্ড খুৎশিন্নখ্রে 

আগরতলা, আগষ্ট ১০ : ত্রিপুরাগী সমাজসেবক অমদি কবি নোংশাতাবাম নিরঞ্জন দত্তদা আর.কে. কমলজিৎ লাইফটাইম এচিভমেন্ট এৱার্ড  ২০২৬ পীদুনা ইকাইখুম্নখ্রে।
থৌরম অসি হৌখিবা আগস্টকী তাং ৮,  থাংজা নুমিৎ আগরতলা প্রেস ক্লাবতা লৈখিদ্রবা স্নাখ্যা রাজকুমার কমলজিৎ সিংহগী চহী ১০২ শুবা মপোক কুমওনগা মরী লৈননা শ্রদ্ধাঞ্জলি কৎপগী পাংথোকখিবা থৌরমদা মনা অসি লান্থোকখিবনি।

থৌরম অদুদা সিনিয়র জরনেলিস্ত আর.কে. কল্যাণজিৎনা মীফম মপু, অদুগা মনিপুরী সাহিত্য পরিষদ ত্রিপুরাগী প্রসিদেন্ট এল. বীরমঙ্গল, সোসিএল এক্টিভিস্ত য়োংখাম রসিকলাল সিংহ অমসুং সাহিত্য একাডেমি নিউ দিল্লিগী মনিপুরী ল্যাঙ্গুয়েজ বোর্ড মেম্বর খোইস্নাম বীরোলানা ইকায়খুম্নজবা মীথুংসিং ওইনা শরুক য়াখি।

থৌরম অদুদা মনিপুরী লিটরেরী এন্দ কলচরেল ফোরমগী সেক্রেটরী খোইস্নাম মঙ্গলনা তরাম্না ওকপগী ৱারোল পিখি, অদুগা মরূপকী এদিতট আর.কে. তরুণজিৎনা থৌরমগী নুংগী ওইবা ৱারোল থমখি অমসুং মনিপুরী সাহিত্য পরিষদ ত্রিপুরাগী এসিস্টেন্ট জেনরেল সেক্রেটরী কোনশম অতুলনা থাগৎপগী ৱারোল পিখি। এন.আই.টি. আগরতলাগী এসিস্টেন্ট প্রফেসার নোংমাইথেম অনুরাধাসু থৌরম অদুদা ৱা ঙাংখি হায়রি। 
 থৌরমগী অরোইবদা লৈখিদ্রবা স্নাখ্যা রাজকুমার কমলজিৎ সিংহবু শিংথারদুনা কবি ১৮ না শরুক য়াদুনা শৈরেং শৈদিন্নবগী থৌরম অমসু পাংথোকখি হায়দুনা আগরতলাদগী ফংবা পাউদা হায়রি।