বাংলাদেশতা মীতৈ ময়েক তম্বীবগী থৌরম লোইশিনখ্রে
সিলেট, সেপ্টেম্বর ১১ : মৌলভীবাজার জেলাগী কমলগঞ্জ উপজেলা মনুং চন্না লৈবা মণিপুরী কালচারেল কমপ্লেক্সতা পাংথোকখিবা নুমিৎ ১০গী ওইবা মীতৈ ময়েক তাকপী তম্বীবগী ৱার্কসোপ ঙরাং ১০ সেপ্টেম্বর, শগোলশেন নুমিৎতা লোইশিনখ্রে।
হৈরোল ফাউন্ডেশনগী ফাউন্ডার ডিরেক্টর কন্থৌজম শিল্পী না কন্ডাক্ট তৌখিবা লোইশিন থৌরম অদুদা মণিপুরী ভাষা গবেষণা ও উন্নয়ন সংস্থাগী সেক্রেটারি এল ইবুংহাল সিংহ শ্যামলনা থৌরম মপু অমদি অথোইবা মীথুংলেন ওইনা মণিপুরী কালচারাল কমপ্লেক্সকী প্রেসিডেন্ট এল জয়ন্ত সিংহ অমসুং অখন্নবা মীথুংলেন ওইনা মীতৈ ইরোল ইয়েক লোয়নাশিলোন অপুন্বা লূপ (মীলাল) গী থৌবুরেন পাউনম ইবোমচা, মীলালগী লুচিংপুরেল নাউরেম নোংমাইলেম্বী লৈমা, ইডুকেসন সেক্রেটারি মাইবম ইন্দ্রজিৎ মীতৈ, অমদি রাকেস নাউরেম, সেক্রেটারি পেট্রিওটিক রাইটার্স ফোরাম, মণিপুর শরুক য়াখি।
ইন্টারন্যাশনাল মাদার ল্যাঙ্গুয়েজ ইনস্টিটিউট, ঢাকা, বাংলাদেশকা খুৎশম্নরগা মণিপুরী ভাষা গবেষণা ও উন্নয়ন সংস্থা, বাংলাদেশ -লূপ অসিনা বাংলাদশেকী মণিপুরীশিংগী লূপ নিপ্পান (মণিপুরী সাহিত্য সংসদ, মণিপুরী প্রাথমিক শিক্ষক সমিতি, মণিপুরী কল্যাণ পরিষদ, মণিপুরী ভাষা প্রশিক্ষণ কেন্দ্র, মণিপুরী লাইব্রেরি এন্ড রিসার্চ সেন্টার, হৈরোল ফাউন্ডেশন, মণিপুরী ইয়ুথ ফোরাম অমসুং মণিপুরী কালচারাল কমপ্লেক্স) অসিগী মতেংনা পাংথোকখিবা মীতৈ ময়েক তাকপী তম্বীবগী ৱার্কসোপ লোয়শবগী থৌরম অদুদা নুংগী ওইবা ৱারোল পিখি মণিপুরী লাইব্রেরি এন্ড রিসার্চ সেন্টারগী ডিরেক্টর অয়েকপম অঞ্জু। থৌরম অদুদা অতৈগসু ৱা ঙাংখি বাংলাদেশ মণিপুরী প্রাথমিক শিক্ষক সমিতিগী জেনারেল সেক্রেটারি অরুন কুমার সিংহ, মণিপুরী কল্যাণ পরিষদকী সেক্রেটারি ওইনাম পামহৈবা, মণিপুরী ভাষা প্রশিক্ষণ কেন্দ্রগী ডিরেক্টর কায়েনপাইবম বৃন্দা অমসুং মহৈরোয় লমজিংবী লৈনা।
মীতৈ ময়েক তম্বা অমসুং হৈজিন্বা তঙায়ফদ্রবনি। তুংগী মীরোলগীদমক ঐখোয়না য়োকপা মথৌ তায়। মদুনা ইশাগী লোন ইশাগী ইয়েক পাব-ইবা হৈবা মথৌ তারক্লে। মদুনা অসিগুম্লবা ৱার্কসোপ পাংথোকপা অসিনা ইয়েক ইরোল কন্বদা অচৌবা থৌদাং লৌখৎকনি হায়বগী অচেৎপা থাজবা লৈ হায়দুনা ময়াম্না ফোঙদোকপিরম্মী।
থৌরমগী অরোইবদা ৱার্কসোপ অদুদা শরুক য়াখিবা মহৈরোয়শিংদা সার্টিফিকেট খুৎশিন্নখি হায়রি।
0 কমেন্ট:
কমেন্ট তৌবিয়ু