বাংলাদেশতা ওজারেল ইকায়খুম্নবা অমদি নৈন মীফম পাংথোক্লগনি
সিলেট, ওক্টোবর ২৭ : পাঙাল সাহিত্য সংসদ'না শিন লাংঙদুনা লাক্লিবা ৭ নভেম্বর ২০২৬ (থাংজ নুমিৎ) নুংথিল পুঙ অহুম তাব মতমদা মৌলভীবাজার জেলাগী কমলগঞ্জ উপজেলা মনুং চন্না লৈবা মণিপুরী কালচারাল কমপ্লেক্স, তেতইগাঁওদা ওজারেন ইকায়খুম্নবা অমদি নৈনমীফমগী থৌরম পাংথোক্লগনি হায়রি।
থৌরম অদুদা চিফগেস্ট ওইনা ড. শরদিন্দু ভট্টাচার্য, প্রোফেসর, বাংলা ডিপার্টমেন্ট , শাহজালাল সাইন্স এন্ড টেক্নোলোজি ইউনিভার্সিটি, সিলেট, গেস্ট অব ওনার ওইনা প্রোফেসর মো. মজিবুর রহমান, প্রিন্সিপাল (এক্টিং), শ্রীমঙ্গল সরকারি কলেজ, আসহাবুজজামান শাওন, প্রেসিডেন্ট, কমলগঞ্জ প্রেসক্লাব শরুক য়াগনি হায়রি।
কুমসি চহীগী ওজারেন ইকায়খুম্নগদবা ওজাশিংদি এ কে শেরাম, কবি অমসুং রিসার্চার, ফেলো, বাংলা একাডেমি, হাজী মো: আব্দুস সামাদ, অইবা অমসুং রিসার্চার, তাহির সাজবম, প্রেসিডেন্ট, নহারোল রাইটার্স ফোরাম, আসাম, ভারত মখোয় অহুমদা পিরগনি হায়না পাঙাল সাহিত্য সংসদনা থাদোরকপা চেরোল অমদা ফোংদোরক্লি।
থৌরম অদুগা মরি লৈননা লাইরিক অহুমসু মায়খুম হাংদোক্কনি হায়রি। লাইরিকশিং অদুদি, পাঙাল সাহিত্য সংসদনা পুথোকপা চহীগী ওইবা ম্যাগাজিন 'খোন্থোক', অইবা সাজ্জাদুল হক স্বপনগী বাংলা লোনদা ইবা ৱারেং লাইরিক 'পাঙাল নারী' অমদি কবি রওশন আরা বাঁশি খূৎহৈবমগী বাংলা লোনদা ইবা শৈরেং লাইরিক 'শূন্যতারও ফুল ফোটে' কৌবা লাইরিকশিংনি।
0 কমেন্ট:
কমেন্ট তৌবিয়ু