অইবী খাইদেম প্রমোদিনিগী ৯৯শুবা মপোক কুমওন থৌরম পাঙথোকখ্রে
ইম্ফাল, জানুয়ারি ০৩ : লময়ানবী হায়নসু মীঙ্গৌনবী অইবী খাইদেম প্রমোদিনিগী ৯৯শুবা মপোক কুমওন থৌরম ঙসি লৈমরোল খোর্জৈকোল (লৈকোল) না শীন্দুনা ক্বাকৈথৈল মোইরাং পুরেলদা লৈবা লৈকোলগী ওফিসতা পাঙথোকখ্রে।
থৌরমগী মরু ওইবা শরুক্তা লময়ানবী অইবী অসিগী মফমদা হৈকৎ লৈকৎ তমদুনা ইকায়খুম্নবা উৎখিবগা লোয়ননা লৈকোলগী থৌমীশিংনা শক্নাইরবী অইবীগী শৈথা শৈরেং শৈদিন্নবগী থৌরমসু পাঙথোকখি।
থৌরম মপু ওইখিবী লৈকোলগী ভাইস প্রেসিদেন্ট এন জি একাশিনিনা ফোঙদোকখিবদা লময়ানবি অইবী খাইদেম প্রমোদিনি নুপী ওইজরবসু মৱাহৈ মখোল চাউবা, য়াম্না থৌনা লৈবা ঈচং থৌবী নুপীনি। মহাক তোন্থনা হিংবা পুন্সি মহিং ওইখিদে। অইবী অসিনা ইরম্বা লাইরিকশিংদসু থৌনা হাপ্পা ঙাক্তনি। মহাক্না লৌরম্বা থৌদাংশিং শীংথাবদা লোইবা নাইরোই হায়খি।
সোর্স: হুইয়েন লানপাউ...
0 কমেন্ট:
কমেন্ট তৌবিয়ু