নোংচুপ হারম মণিপুরী অশৈলুপকী অহান্বা মীফমলেন পাঙথোক্লগনি
আগরতলা, জুলাই ২২ : লাক্লিবা আগস্ট তাং ২ দা নোংচুপ হারম মণিপুরী অশৈলুপ, শিলচরগী চহীগী অহান্ব মীফমলেন অমা থবক থৌরমগা লোয়ননা ফমগনি হায়রি।
প্রেস মীট অমদা ফোংদোকখিবা মতুং ইন্না চহীগী মীফমলেন পাংথোকপগা লোয়ননা লুপ অসিনা থা ৪/৪ কান্ননা পুথোক্কদবা মেগাজিন 'শমজিরৈ' অমসুং শক্নাইরবা সোশ্যাল এক্টভিষ্ট লৈখিদ্রবা শিক্ষাবিদ ইরুংবম চন্দ্র সিংহবু নিংশিংবা ওইনা মহাক্কী পুন্সি ৱারীগী মরমদা ইবা লাইরিক অমসু ফোঙগনি হায়রি। লূপ অসিগী মায়কৈদগী সাহিত্যগী লমদা লেপ্তনা খুৎথারিবা শক্নাইরবা অইবা এম দেব সিংহ (সুব্রাম) অমসুং অইব নীনা দেবীবু ইকায়খুম্নবা উৎকনি হায়রি।
প্রেস মীট অদুদা লূপ অসিগী ভাইস প্রেসিডেন্ট লাইরেল্লাকপম চম্পলাল, জেনারেল সেক্রেটারি নাওরেম রাজেন, শমজিরৈ চীফ ইডিটর ড. কুন্জলাল য়েন্দেম্বম, মেম্বর ড. মেরিনা সাগপম অমদি লাইরেল্লাকপম হরিলালসু শরুক য়াখি হায়না শিলচরদগী ফংবা পাউদা হায়রি।
সোর্স - মরূপ
0 কমেন্ট:
কমেন্ট তৌবিয়ু