The Silk and the Sword ফোঙখ্রে অদুগা সোরোকখাইবম গম্ভিনীবু ইকাইখুম্নখে
আগরতলা, নভেম্বর ১৮: ত্রিপুরাদা অহানবা ওইনা সাহিত্য একাডেমি এৱার্ড ফংলকখ্রবী কবি এস গম্ভিনীবু ওকপগা লোয়ননা লমদম অসিগী ইতিহাস, সাহিত্য, সংস্কৃতি অমদি ত্রিপুরাগা মণিপুরগা লৈনবা মরীদা খঙদবা কয়া অমা য়াওবা অইবা অসিত দত্তগী 'The Silk and the Sword' হায়বা লাইরিকসু ফোঙখ্রে। ত্রিষ্টুপ পাব্লিকেশননা শীন্দুনা নভেম্বর তাং ১৫, বড়জলাগী আগরতলা প্যাভিলন' দা পাঙথোকখিবা অখন্নবা থৌরম অমদা লাইরিক অসি ত্রিপুরা ইউনিভার্সিটিগী এইচ.ও.ডি (হিস্ট্রি) প্রোঃ ড. মণিশঙ্কর মিশ্রনা মায়খুম হাংদোকপীখি।

থৌরম অসিগা মরী লৈননা ত্রিপুরাদা অহানবা সাহিত্য একাডেমি এৱার্ড ফংলকখ্রবী কবি সোরোকখাইবম গম্ভিনীবু ত্রিষ্টুপ পাব্লিকেশনগী মাইকৈদগী ব্রজকুমার সরকারনা ইকাইখুম্নদুনা ওকখি। থৌরম অদুদা লাইরিক অসিগী অইবা অসিত দত্তনা মণিপুরী লোল, বাংলানা ফোঙবা কয়া লৈখে অদুবু খংদবা কয়া অমসু লাইরিক কয়া অসিদা য়াওই হায়রি। থৌরম অদুদা ডাঃ বিজয় দেববর্মা, ড. নির্মল দাস, ডব্লিউ বীরমঙ্গল, এল বীর মঙ্গল নচিংবা শরুক য়াখি হায়রি।
0 কমেন্ট:
কমেন্ট তৌবিয়ু