বাংলাদেশকী শক্নাইরবা সোশেল এক্টিভিস্ট শেরাম অঞ্জন সিংহ লৈখিদ্রে
সিলেট,ফেব্রুয়ারী ২৮: বাংলাদেশকী শক্নাইরবা সোশেল এক্টিভিস্ট অমসুং বাংলাদেশ মণিপুরী সাহিত্য সংসদ, বিশগাঁও ব্রাঞ্চ কি ভাইস প্রেসিডেন্ট শেরাম অঞ্জন সিংহ ব্রেইন হেমারেজ ওইদুনা মতম কুইনা লায়কন্নদুন লৈরবা মতুংদা ফেব্রুয়ারীগী তাং ২৬ শগোলশেন নুমিৎ নুমিদাং পুং ১১:৩০ মতমদা সিলেট এমএজি ওসমানী মেডিক্যাল কলেজ হসপিতালদা লৈখিদ্রে। অদুগা ইরাই নুমিৎ মহাক্কী পোক্নফম লমদম হবিগঞ্জ ডিষ্ট্রিক্টকি চুনারুঘাট উপজেলাগী মনুং চনবা গোবরখোলা খুঙ্গংদা মহাক্কী অরোইবা থৌরম পাঙথোকখি। পনবা য়াই শেরাম অঞ্জন মণিপুরী মিররগী এক্যুকিউটিভ এদিটর শেরাম রিপনগীসু ময়াম্বনি।
মহাক্না লৈখিদবদা ইন্টারন্যাশনাল মণিপুরী এসোসিয়েশন (ইমা) বাংলাদেশ চ্যাপ্টার, শজিবু চেফোঙগী এডিটর অইবা শেরাম নিরঞ্জন, আর্টিষ্ট এন যোগেশ্বর অপু, সিলেট জেলা প্রেসক্লাবকী এ.জি.এস রবি কিরণ সিংহ রাজেশ, বাংলাদেশ সাহিত্য সংসদ, মণিপুরী মিরর, বিশগাঁও মণিপুরী কল্যাণ সমিতি লোয়ননা লূপ কয়ানা অৱাবা ফোংদোরকখি অমসুং লৈহৌরিবা ইমুং-মনুংগী অৱাবদসু শরুক য়ারি হায়দুনা সোস্যাল মিডিয়া অমদি প্রেসকী খুত্থাংদা ফোঙদোরক্নরকখি।
0 কমেন্ট:
কমেন্ট তৌবিয়ু