তখেনগী ২২৭শুবা মহারাস লীলা চীংলেস্না পাঙথোকখ্রে
আগরতলা, নভেম্বর ০৬ : রাধানগরদা তখেনগী খ্বাইদগী লীরবা ঐতিহাসিক মহারাস লীলা লোয়ননা ত্রিপুরাগী মৈতৈ খুঙ্গং কয়াদা চহী খুদিং তৌনা হন্দকসু রাসলীলা পাঙথোক্নখ্রে।
লৈঙাক্বা শীল্লাংদুনা নভেম্বর ৪ রাধানগর দা পাঙথোকখিবা ২২৭ শুবা ঐতিহাসিক মহারাস লীলাদা রাসধারী ওইনা মণিপুরদগী গুরু কোনসম কুমার অদুগা কৱাবন (রাণীর বাজার)গী খুমন্থেম নিঙোল সুমিতা সিংহনা মকোক চিংদুনা গোপী ২৬ য়াওখি। সূত্রধারী ওইনা এম প্রমেশ্বরী, এইচ ইন্দু, কোংব্রাইলাৎপম জাহ্নবী শর্মা শরুক য়াখি।
পনবা য়াবদি মণিপুরাধিপতি বৈষ্ণব চূড়ামনি রাজর্ষি ভাগ্যচন্দ্রনা ভাগবত গীতাগী রাসপাঞ্চাধ্যায় মতুং ইন্না মণিপুরদা হৌদোকপীরম্বা মহারাস তখেন্দসু ইং ১৭৯৮ দা তখেন কোনুং পূরাতন আগরতলা (মেখলী পাড়া মনাক্তা)দা অহানবা পাঙথোকখি। ইং ১৮৪৪ দা তখেনগী কোনুংনা হৌজিক্কী আগরতলাদা হোংলবা মতুং মহারাজা রাধাকিশোর মানিক্য (১৮৯৬-১৯০৯)গী মতমদা শ্রীশ্রী রাধামাধব যুগল মূর্ত্তি অসি রাধানগরদা প্রতিষ্টা তৌখি অমসুং কোনুংগী লাই ময়ামবু দর্শন তৌহনবা পীখি। ইনিংথৌ ভাগ্যচন্দ্রনা মচাইবেম্মা হরিশেশ্বরীদা খুদোল ওইনা তখেন্দা থম্বীরম্বা শ্রীশ্রী রাধামাধব যুগল মূর্তি রাসমন্ডলদা লেঙথোক্লগা মহারাস পাঙথোক্লি। মহৌশাদগী চৎনরক্লবা রাধানগরগী মহারাস লীলাদা মীনা রাধা কৃষ্ণগী শক্তম লাংবা য়াদে। যুগল মূর্ত্তি লেংথোক্লগা তখেলগী লীরবা ২২৭শুবা মহারাস লীলা হন্দকসু চীংলেস্না পাঙথোকখ্রে।
নোংচুপ জিলাগী ডিএম অমসুং সিজা হাসপাতালগী এমডি ডাঃ পালিন খুন্দোংবম দর্শন তৌবা ফংখি।
সোর্স : মরূপ
0 কমেন্ট:
কমেন্ট তৌবিয়ু