• 798
• ২২শে মে ২০২২ ইং
• Share on:

মে ১৮ ইন্তরনেস্নেল ম্যুজিয়ম দেঃ নুমিৎ অসিনা লাকপদা পুরক্লিবা পাউজেল — তোংব্রম অমরজিৎ

ম্যুজিয়মশিংনা লৈবাক খুনাইগী, হীরম কয়াগী য়াংলেন ওইরি হায়বসি মীপুম খুদিংনা খঙবা মতম ওইরে। মরু ওইনা মনিপুরদদি অমুক্কা হেন্না মরু ওইরি। ঐখোয়গী হৌরক ৱারী, কলচর অমসুং ত্রেদিসন, পুন্সি মহিং, খুৎ-শা হৈবগী পোৎথোকশিং, লৌঊ শিংঊবদা শিজিন্নরম্বা খুৎচু খুৎলাইশিং,শা-লাণগী ৱারীশিং কমদৌনা করম হায়না হৌজীক হিংলিবা খুনাই অসিগী ফুরুপ কাংলুপশিংনা করি করম্বা লাইনিং লাইশোল চৎলিবা পুম্নমক অসি অরিবা পুয়া লাইরিকশিংদা অমদি ম্যুজিয়মশিংদা পুম্নমক প্রিজার্ব তৌদুনা থম্বা য়ারিবনি। মনিপুর স্তেত ম্যুজিয়মদা ফনা য়াম্নদি থম্লি। হেন্না পাক চাওনা মচাক কয়া হাপচিনবদি য়ারি। মনিপুরগী পোলিতিকেল হিস্তরিগী ওইবা ম্যুজিয়মসু ঙসিদি মনিপুর লেজিসলেটিব এসেমব্লি ম্যুজিয়ম এন্ড আর্কাইবস্না ওইরি। লাই য়েকপগী লমদনা আর কে সি এসকি ম্যুজিয়ম অমসুং গেল্লরিনা মনিপুরগী পূৱারীবু অয়েকপা লাই ওইনা পাউদম্লি। অন্দ্রোদা লৈরিবা মুতুৱা ম্যুজিয়ম, ককচিংদা লৈরিবা পিপলস ম্যুজিয়ম, কোম কলচরেল রিসার্স সেন্টর অসিনচিংবা ম্যুজিয়মশিং স্তেত অসিদা ইপা ইপুগী খোঙ্গুল লিক্লম ঙাক শেল্লিবা কলচরেল এক্তিভিসশিংনা কন্নদি হোৎনরি।

তোংব্রম অমরজিৎ

খুনাই অমগী অরিবা খোঙ্গুল লিকলম অমা থিগে হায়রবদি লমদম অদুদা লৈবা ম্যুজিয়মশিংদা চৎলগা য়েংদবা য়ারোই। মালেমদা মাংজিল থারিবা খুনাইশিংদা মরু ওইনা য়ুরোপ্তা, অমেরিকাদা, চাইনাদা লৈরিবা ম্যুজিয়মশিং মীপূম খুদিংনা খঙনরি। নেচরেল হিস্তরি ম্যুজিয়মদগী হৌরগা হৌজীক্তি ওটোমোবাইলগী ম্যুজিয়মশিং, অদুগা ইলেকত্রোনিক্সকি ম্যুজিয়ম ফাওবা লৈরক্লি। মসিদা মীওইবনা চাওখৎ লম্বেলদা লাক্লিবা অসিগী মরিক চুম্লবা পুৱারীদু মতম মতমদুদা থেংনখিবা, শেম শাখিবা শিজিন্নখিবা পোৎশকশিং পুম্নমক অদু চেকশিন্না প্রিজার্ব তৌদুনা থম্লি। তেল্লবা মতমগী মনুংদা মলেমগী খ্বাইদগী চাওখৎলবা অমদি নুংঙাইরবা লমকোইবশিংগী মঙলানগী পন্থুংফম অমা ওইরিবা দুবাইদা মখোয়না শাখ্রবা লৈঙোই লমদুদা কমদৌনা ঙসিগী চাওখৎলবা সিতি অসি শেম্লকখিবগে অমদি মখোয়গী মপা মপুশিং অদুনা কমদৌনা অরব লৈবাক্তা লৈরমলিবা হায়বদু দুবাই ম্যুজিয়মদা পুম্নমক উবা ফংগনি। ঙসিদি অমুক ম্যুজিয়ম ওফ দি ফ্যুচর হায়বা ফাওবা হাংদোক্লকলি। ম্যুজিয়ম হায়বসি কয়ামুক মরু ওইবগে হায়বদু মালেমদা সুপর পৱার ওইরিবা লৈবাক কয়ানা মখোয়গী মপা মপূশিং অদুনা শিজিন্নরম্বা অরিবা পোৎলম খুদিংমক অমত্তা মাংহনদনা খোমজিন তাশিন্দুনা ম্যুজিয়মশিংদা চেকশিন্না প্রিজার্ব তৌদুনা থম্নরি। মসিনা হৌরক্লিবা মীরোলদা ৱারী লীরি, নুংশিনা পাউদম্লি মখোয় মখোয়গী মপা মপুশিংদা করি কমদৌনা হৌরকপা, করি চাদুনা হিংলম্বা, কমদৌনা লৈবাক খুনাই লৈঙাকলম্বা হায়বনচিংবা কয়া থম্লি দাইরোমা ওইনা মুরেল ওইনা শাদুনা য়েক্তুনা, অরৈবা অমদি অফংবা অরিবা পোৎলমশিং অদুগা লোয়ননা। লৈঙাক্কি শেমবদা বদজেট চাওনা হাপ্তুনা তৌদবা য়াদবা থবক থৌরমশিং পাঙথোকলি। মালেমদা লৈরিবা লৈবাক ১৫৮গী ম্যুজিয়ম লীশিং ৩৭ হেনবনা হায়রিবা য়াম্না মরু ওইবা নুমিৎ মে ১৮ অসিবু নীংশিং থৌরমশিং পাঙথোকনরি। ইং ১৯৭৭দগী হৌদুনা ইন্তরনেস্নেল কাউন্সিল ওফ ম্যুজিয়ম্না পাঙথোকলক্লিবা মলেমগী ম্যুজিয়ম নুমিৎ অসিমক য়াম্না মরম চাবা অমসুং তৌদবা য়াদ্রবা থৌরম অমনি।

ন্যাশনেল ম্যুজিয়ম, দেল্লি

ম্যুজিয়ম হায়বসিদা য়াওরিবসি ঐখোয়গী খূনাই অমগী মশকনি। ঐখোয়গী হৌরক ৱা্রীগী পূক্কৈ লনগৈনি। মসিবু মহৈ মশিং তম্বীবগী শরুক অমা ওইনা লৌনবা হোৎনবা অদুগী কান্নবসু ম্যুজিয়ম নুমিৎনা লাকপদা নৌহৌনা নীংশিংবা চুমগনি। ভরত সরকারনসু শিন্দুনা লৈবাক্কি কোনুং দেল্লিদা লৈরিবা নেস্নেল গেল্লরি ওফ মোদর্ন্দ আর্টতদা মলেমগী ম্যুজিয়ম নুমিৎ তাং ১৬-২০ মে নুমিৎ ৫নি চুপ্না পাঙথোক্কদৌরি। হায়রিবা থৌরম অসিদা অনৌবা ইন্দিয়ান আর্তকি মাস্তর ওইরবশিংগী মরু ওইবা এক্সিবিসন অনী Hastantaran অমসুং Kshetragya হায়রিবা অসি কলচর অমসুং তুরিজম মিনিস্তর G. Kishan Reddy না কলচর সেক্রেটরি Govind Mohanগা লোয়ননা মে ১৮দা হাংদোক্কদৌরি। চাইনাদসু হায়রিবা নুমিৎ অসি Hubei ম্যুজিয়ম্না পাঙথোকনবা শেম শারি। হায়রিবা মলেমগী ম্যুজিয়ম নুমিৎ অসিদা চাইনাগী থায়নগী অরিবা ম্যুজিকেল ইন্সত্রুমেন্টশিংগী ওইবা পার্ফোমেন্সসু পিদুনা থৌরম য়াওবা লাক্লিবা অমদি মালেমগী মীয়ামদা ইনাক খুল্লবা চাইনাগী কলচর অমসুং অরিবা ত্রেদিসন অদু মশক তাক্কদৌরি। লোয়ননা অরিবা অমসুং অতাংবা মখলগী আর্তিফেক্সশিংসু চাইনাদা লৈরিবা ম্যুজিয়মশিংদা উৎকদৌরি।

আর কে সি এস ম্যুজিয়ম, মনিপুর

ইং ২০২২ গী ওইনা ইন্তরনেস্নেল কাউন্সিল ওফ ম্যুজিয়ম্না পিরিবা থিমদি “the Power of Museums” to explore the potential of museums to bring about positive change in communities through “the power of achieving sustainability, the power of innovating on digitalization and accessibility and the power of community building through education,” ম্যুজিয়মশিংনা লৈবাক খুনাইগী, হীরম কয়াগী য়াংলেন ওইরি হায়বসি মীপুম খুদিংনা খঙবা মতম ওইরে। মরু ওইনা মনিপুরদদি অমুক্কা হেন্না মরু ওইরি। ঐখোয়গী হৌরক ৱারী, কলচর অমসুং ত্রেদিসন, পুন্সি মহিং, খুৎ-শা হৈবগী পোৎথোকশিং, লৌঊ শিংঊবদা শিজিন্নরম্বা খুৎচু খুৎলাইশিং,শা-লাণগী ৱারীশিং কমদৌনা করম হায়না হৌজীক হিংলিবা খুনাই অসিগী ফুরুপ কাংলুপশিংনা করি করম্বা লাইনিং লাইশোল চৎলিবা পুম্নমক অসি অরিবা পুয়া লাইরিকশিংদা অমদি ম্যুজিয়মশিংদা পুম্নমক প্রিজার্ব তৌদুনা থম্বা য়ারিবনি। মনিপুর স্তেত ম্যুজিয়মদা ফনা য়াম্নদি থম্লি। হেন্না পাক চাওনা মচাক কয়া হাপচিনবদি য়ারি। মনিপুরগী পোলিতিকেল হিস্তরিগী ওইবা ম্যুজিয়মসু ঙসিদি মনিপুর লেজিসলেটিব এসেমব্লি ম্যুজিয়ম এন্ড আর্কাইবস্না ওইরি। লাই য়েকপগী লমদনা আর কে সি এসকি ম্যুজিয়ম অমসুং গেল্লরিনা মনিপুরগী পূৱারীবু অয়েকপা লাই ওইনা পাউদম্লি। অন্দ্রোদা লৈরিবা মুতুৱা ম্যুজিয়ম, ককচিংদা লৈরিবা পিপলস ম্যুজিয়ম, কোম কলচরেল রিসার্স সেন্টর অসিনচিংবা ম্যুজিয়মশিং স্তেত অসিদা ইপা ইপুগী খোঙ্গুল লিক্লম ঙাক শেল্লিবা কলচরেল এক্তিভিসশিংনা কন্নদি হোৎনরি।

মনিপুরবু মলেমদা মশক তাক্লিবা ঐখোয়গী অমত্তা ঙাইরবা লোক্তাক পাৎকি মরু ওইবদি মীপুম খুদিংনা হেন্না খঙনরবনি। মসিদা লৈরিবা মালেমদা অনি শুদ্রবা ফ্লোতিং নেস্নেল পার্ক অসিদা লৈরিবা সঙাইগী ফজবা মশক, তোপ তোপ্পা মগুন শিংথাবগী লোয়বা নাইরোই। লোক্তাক মিংশেল ওইরিবা, লোইবী চিংলোন মপলনা থৌগল তৌরিবা মহৌশা খূৎশেমগী নীংথিজনা পীক থল্লিবা ইরমদমসিদসু হৌখিবা চহী খরসিদা লৈঙাকনসু কাংলুপ ফুরুপ কয়াগী হৌরক ৱারীশিং, মখোয়গী পুন্সি অমসুং নাৎ, চৎনবী থাজনবী কয়াগা মরি লৈনবা অরিবা পোৎলমশিং প্রিজার্ব তৌদুনা থম্নবা ম্যুজিয়ম কয়া লিংখৎপা লৈখ্রে।

লোক্তাক ইপাক ইয়াইদা খুন্দাদুনা লৈরিবা থাঙ্গ লমদমদসু ইং ২০১৬তা লোক্তাক ফোকলোর ম্যুজিয়ম তোংব্রম অমরজিৎ অমসুং মহাক্কী ইমুং মনুংনা হোৎনদুনা লিংখৎখি। হায়রিবা ম্যুজিয়ম অসিদা লোক্তাক পাৎকী অকোয়বদা খুন্দাদুনা লৈরিবা ঙামীশিং অমসুং লৌঊ শিংউ তৌদুনা লৈরিবা মীওইশিংগী পুন্সি মহিং, মখোয়না শিজিন্নরম্বা অরিবা পোৎলমশিং, মখোয় তোপ তোপ্পা কলচর, থাজনবী চৎনবি পুম্নমক অদু য়ারিবমখৈ চেকশিন্না ঙাক শেন্দুনা থম্নবা হোৎনরি। ম্যুজিয়ম অসিমক লিভিং হেরিতেজ ওইনা অমসুং লোক্তাক্কা হেক মরি লৈনবা খুদিংমক থম্নবা পান্দমসু থম্লি। ম্যুজিয়ম অসিদা ঙসিগী মহৈরোইশিং অমদি লমকোয়বা কয়া লাকপতা নত্তনা রিচার্স তৌবা অমদি লোক্তাক্কি মরমদা খঙনিংবা কয়াসু লেপ্তনা লাকপা হৌরক্লি। লোক্তাক ফোকলোর ম্যুজিয়ম্না শিন্দুনা হৌখিবা ২০২১দগী হৌদুনা কালেন আর্ট একজিবিসন হায়দুনা ইন্তরনেস্নেল ম্যুজিয়ম দেগা মরি লৈননা আর্তিসশিংবু পুকনিং থৌগৎপা ওইনা চয়োল অমা থৌরমসু পাঙথোকখি। হৌজীক হৌজীক সোসিয়েল ৱেলফিয়ার দিপার্টমেন্টতা জোইন্ত দাইরেক্তর ওইরিবা বন্তি কোন্থৌজম্না ওইল পেন্তিংশিং মমল তাংনা লৈদুনা লাই য়েকপগী কলাদা থৱায় লূপচরিবা আর্টিসশিংবু পুকনিং য়াম্না থৌগৎখি। দাঃ মুতুম মেঘরাজনসু আর্ট ৱার্ক ৪ হেন্না কলেক্সন তৌখি। দি আই পি আরগী দাইরেক্তর ওইরিবা হৈস্নাম বালকৃষ্ণ য়াম্লবা শেনফম থৌরম শিল্লিবশিংদা তেংবাংদুনা য়াম্না চাওনা মায় পাকপা থৌরম অমা ওইখি। মনিপুরদা আর্ত কলেক্তর অমসুং হীরম অসিবু পুকনিং থৌগৎপা মীওই কয়া থোকলকলি। হৌখিবা ২০২১দা পাঙথোকখিবা একজিবিসনদা পুন্না আর্তিস ৪৬না শরুক য়াদুনা অচৌবা আর্তকি প্লেটফোর্ম অমা ওইখি। ২০২২গী মে ১৮দা পাঙথোক্লিবা নুমিৎ ৫গী ২শুবা কালেন আর্ত একজিবিসন অসিদসু আর্তিস ৫৫ অমসুং গেস্ত আর্তিস ওইনা শকনাইরবা লাই য়েকপা আর কে বুদিমন্তা, অরিবম জয়চন্দ্র, দেবেন্দ্রা থিয়াম অমসুং জিতেন লৈতান্থেমসু শরুক য়াগদৌরি। ইন্তরনেস্নেল ম্যুজিয়ম দেগা মরি লৈননা লোক্তাক ফোকলোর ম্যুজিয়মদা পাঙথোকলিবা কালেন আর্ত একজিবিসন অসিমক মনিপুরদা ঐখোয়গী কলচর অমসুং লাইনিং লম্বীদা অচৌবা য়ুম্ফম ওইরিবা কালেন লাই হরাওবগসু হেন্না নকশিন্নহল্লিবা থৌরম অমা ওইরি। ইপা ইপুগী হৌরকফম অমসুং মখোয়গী লিকলম ঙাকনা চৎপদা অমসুং মহৌশা খূৎশেমগা পুন্না নুংঙাই য়াইফনা হিংবদা আর্টিসশিংনা করি করম্বা থৌদাং লৌদুনা হৌরক্লিবা মীরোলদা পাউজেল অমদি পিনিংলি লাই য়েকপা আর্তিসশিংনা ইন্তরনেস্নেল ম্যুজিয়ম দে না লাকপদা। মসিদা লোক্তাক ফোকলোর ম্যুজিয়মনসু হেন্না হেন্না অফবা কান্নবা থবক কয়া লেপ্তনা পাঙথোকনবা পান্দম থম্লি।