• 793
• ১৩ই মে ২০২২ ইং
• Share on:

মপান মণিপুরদা অখন্নবা নুমিৎ খরবু নীংশিংলকপা — আর. কে তরুনজিৎ

ত্রিপুরা লৈঙাক্না ইংকুমজা ১৯৯৮ গী এপ্রিল ১৩ নুমিৎ অসিদা ত্রিপুরাদা প্রাইমারী থাক্তা মণিপুরী লোল তম্বীবা হৌদোকখিবগী থৌরম অমা শিক্ষা বিভাগনা ধলেশ্বর হায়ার সেকেন্ডারী স্কুল লম্পাক্তা পাঙথোকখি। হায়রিবা নুমিৎ অসি লমদম অসিগী মনিপুরীশিংগী পুৱারীদা শীংথাবা য়াবা নুমিৎ অমনি হায়ান লৌদবা য়অদে। মণিপুরী লোলগী ওজা ঙসি ফাওবা সরকারনা রিক্রুট তৌদবগী নুংঙাইতবা পেন্দবা অমা লৈরবসু মসিগীদমক মণিপুরীশিংগী মুভমেন্ট থোইদোক্না উবা ফংদে। অদুবু মণিপুরী লোল তম্বী তাকপীবা হৌদোকখিবা ‘এপ্রিল তাং ১৩ নুমিৎ অসিবুদি ঐখোয় ময়াম্না শীংথারদুনা চহী খুদিং পালন তৌবা য়াই। মসিগী থবক অসি মরু ওইনা মণিপুরী সাহিত্য পরিষদ ত্রিপুরানা অহানবা ওইনা হৌদোকপীবা য়াই। ইমালোলবু নুংশিজবা মীওই ওজাশিং অমসুং মণিপুরী মহৈরোইশিংদা নুমিৎ অসিগী ৱাহন্থোক অমদি ইমালোলগী পুৱারীবু মশক থোক্না খঙহনবতা নত্তনা মখোয়বু থৌগৎপীবদা অচৌবা মতেং অমা ওইগনি খল্লি। ত্রিপুরাদা মণিপুর নীঙতম লান্মী, সাহিত্যগী মশক নাইবা মীওইশিংগী নুমিৎ নচিংবা অয়াম্বা মণিপুরদা বেইস তৌরগা পাঙথোকপা ঙাক্তনি। খুদম ওইনা খোংজম ডে, পেট্রিওটু ডে, পাউনা নুমিৎ, ইরাবত নুমিৎ, মহাকবি হিজম অঙাংহল, ড. কমল, খ্বাইরাকপম চাউবা অসিনচিংবা আসামদসু বাংলাদেশতসু অমসুং ত্রিপুরাদসু পাঙথোকই।

আর. কে তরুনজিৎ

নুমিৎ থা চহী হায়বসিদা শীংথাবা য়াবা নুমিৎ খরবু ঐখোয়না নীংশিংই। নুমিৎশিং অদুনা হৌখ্রবা ঐখোয়গী পুৱারী কয়াবু অমুক হন্না নীঙশিংহল্লি, ঐখোয়বু থৌনা হাপকৎহল্লি। খুদম ওইনা মরৈবাক নিংজবা মজাতিগীদমক পুন্সিনা পোন্থা ওইখ্রবা অথৌবশিং কয়াগী নুমিৎ ঐখোয়না পালন তৌই, মখোয়বু ইকাইখুম্নৈ, থম্মোয়গী শ্রদ্ধাঞ্জলি কৎলি। হায়রিবা নুমিৎ অদুনা ঐখোয়বু থৌনা লীংজেলসু হাপকৎলি। অদগুম্বা নুমিৎশিং অদুদি খুদম ওইনা জানুয়ারি তাং ৯ (চহী তরেৎ খুন্তাকপদগী মণিপুরবু কনখিবা ইনিংথৌ গম্ভীরসিং মহারজানা লৈখিদবা নুমিৎ), জানুয়ারী তাং ১৭ (নীংতম লান্মী মেজর চোংথা মিয়ানা লৈখিদবা নুমিৎ), এপ্রিল তাং (নীংতম লান্মী পাউনা ব্রজবাসী লৈখিদবা নুমিৎ) অমসুং এপ্রিল ২৫ (খোংজোম নুমিৎ), আগষ্ট ১৩ (টিকেন্দ্রজিৎ, থাঙ্গাল ফাঁসি তৌখিবা নুমিৎ), আগষ্ট তাং ২০ (ভরত সংবিধানগী ৮ শুবা তাঙ্ককতা চনখিবা মণিপুরী লোলগী নুমিৎ), ডিসেম্বর তাং ১২ (নুপীলাল নুমিৎ), সেপ্টেম্বর তাং ৩০ (ইরাবত নুমিৎ), সাহিত্যগী লমদা মশক নাইরবা মীওই কয়াগী কুমওন থৌরমনচিংবা নুমিৎশিং নেশনেলগী থাক্তা কমন ওইনা মণিপুর অমসুং মণিপুর মপান্দা লৈবা মণিপুরী খুন্নাইনা লেপ্তনা পাঙথোকপা থেংনৈ, শ্রদ্ধাঞ্জলি কৎলি। মসিতা নত্তনা চহীগী ভাগ্যচন্দ্র নীংশিং থৌরম, মহারাস, লাই হরাওবা, কৃষ্ণ-রাধা জন্মষ্টমী নচিংবা তোঙান তোঙানবা লাইনীং লাইশোল অমদি ধর্ম-কর্মগা মরী লৈনবা মখল কয়াগী থৌরমসু মণিপুর অমসুং মপান মণিপুরদা চোইজাইননা লৈখ্রবা খুন্নাইচাশিংনা ঙসিসু পাঙথোকই।

হায়রিবা থৌরমশিং নেশনেল থাক্তা পাঙথোকপগী মথক্তসু অমুক আসাম অমসুং ত্রিপুরা খক্তগী তোঙান তোঙানবা অখন্নবা নুমিৎ খরসু পাঙথোকপা থেংনৈ। খুদম ওইনা ইং ১৯৫৬ দা আসামদা প্রাইমারী থাক্তা মণিপুরী ইমা লোল তম্বী তাকপীবা হৌদোকখিবা মার্চ তাং ১ অমসুং জুন ৭ নুমিৎ’সিবু শীংথারদুনা পালন তৌই। নীংতম লান্মী সনা চহী অহুমনা সিপোই মিউটিনি (সিপাহী বিদ্রোহ) গা মরী লৈনবা বৃটিশকী মায়োক্তা অরোইবা লান থেংনখিবা লানফম বিনাকান্দিদা চহী খুদিং জানুয়ারি তাং ১২ দা নীংশিং কুমওন পাঙথোকই। জারিবোন্দা সনা চহী অহুম মপোক কুমওন পাঙথোকই।

অসুম্না ভুবন বারুনী চীং-কাবা, মহারাণী ইন্দুপ্রভানা লাৎলম্বা সোনাই শিব টিলাদা শিবপূজা, নীংতম লান্মী সাগপম গৌরসিংগী মপোক কুমওন নচিংবা আসাম খক্তগী তোঙান তোঙানবা মখল কয়াগী থৌরমসু পাঙথোকই। পায়রিবা থৌরমশিং অসি মণিপুর অমসুং ত্রিপুরাগী মফম কদায়দসু পাঙথোকপা লৈতে। মসিনা আসামগী খুন্নাইচাশিংবু মশক থোক্না মশক খঙবদা অচৌবা মতেং অমা ওইরি। মদুগী হায়রুরগদি ত্রিপুরাগী মণিপুরীশিংগী মশাগী ওইবা থৌরম থোইদোকপা লৈতে। অদুমকপু ১৯৬৩দা মণিপুরী সাহিত্য পরিষদ লিংখৎপা ডিসেম্বর তাং ২৫, মণিপুর নীংতম লাম্মী সনা চহী অহুমগী মপোক নুমিৎ লমদম অসিগী চৎনবী বাংলাগী বৈশাখকী তাং ২ (আগরতলাদা লৈবা পুট ১৭ শাংবা কুঠি মতুং ইন্না) নুমিৎ অসি মাগী চারোন শুরোনশিংনা চহী খুদিং ধলেশ্বরদা লৈবা নীংশিং খুভমদা ইরাৎ থৌনি চত্থদুনা পাঙথোকই।

লাই হরাওবা থৌরম পাংথোকপা, ত্রিপুরা

লমদম অসিগী মৈতৈগী ওইবা পুৱারীদি য়াম্না শীংথানিঙাইনি। তখেন কোনুংদা মৈতৈ চনু কয়া মহারাণীগী ফম্বাক কাখিবগী চাওনা পুৱারী লৈজৈ। অরিবা মতমদা জঙ্গল ওইনা লৈরম্বা আগরতলা শহর লিংখৎপদসু মৈতৈশিংনা খুন্থৌ শুদুনা থৌদাং চাওনা লৌরম্মী। ত্রিপুরাদা অহানবা নুপী নিংঙোলশিংবু লাইরিক তম্বীবা অমদি নুপীগী স্কুল হাংদোকপা মৈতৈ চনু (থোঙাম নিংঙোল মহারানী তুলসীবিতি) গী থৌদাং অতৈ শাগৈনা ঙসিসু শীংথানরি। অদুবু ঐখোয়গী লাইবকথিবদি মৈতৈগী পুৱারী মৈতৈ মচানা মশক খঙদবা ঙসিসু কয়া য়াওরি। অতোপ্পা শাগৈদা ইহান হানবা মণিপুরী জগোই তম্বী তাকপীনবা বোলপুর শান্তিনিকেতন্দা মণিপুরী জগোই ক্লাস হাংদোকখিবসু ত্রিপুরাগী নৃত্যগুরুগী খুত্থাংদগীনি। অসুম্না মপান মণিপুরদা থোইদোক হেন্দোকপা থৌরম কয়াবু ঐখোয়না পুৱারীগী মশক থোকপা নুমিৎ ওইনা শীংথাবা য়াই। মতম অমা ত্রিপুরাদা মণিপুরী লুপ খুদিংমক্কী কমন ওইবা ডিমান্ড অমা ওইরম্মী ইমালোল মণিপুরীনা লাইরিক তমজগে হায়বসি।

লিংগুইষ্টিক মাইনোরোটি কমিশনগী মতুং ইন্না ত্রিপুরা লৈঙাক্না ইংকুমজা ১৯৯৮ গী এপ্রিল ১৩ নুমিৎ অসিদা ত্রিপুরাদা প্রাইমারী থাক্তা মণিপুরী লোল তম্বীবা হৌদোকখিবগী থৌরম অমা শিক্ষা বিভাগনা ধলেশ্বর হায়ার সেকেন্ডারী স্কুল লম্পাক্তা পাঙথোকখি। হায়রিবা নুমিৎ অসি লমদম অসিগী মনিপুরীশিংগী পুৱারীদা শীংথাবা য়াবা নুমিৎ অমনি হায়ান লৌদবা য়অদে। মণিপুরী লোলগী ওজা ঙসি ফাওবা সরকারনা রিক্রুট তৌদবগী নুংঙাইতবা পেন্দবা অমা লৈরবসু মসিগীদমক মণিপুরীশিংগী মুভমেন্ট থোইদোক্না উবা ফংদে। অদুবু মণিপুরী লোল তম্বী তাকপীবা হৌদোকখিবা ‘এপ্রিল তাং ১৩ নুমিৎ অসিবুদি ঐখোয় ময়াম্না শীংথারদুনা চহী খুদিং পালন তৌবা য়াই। মসিগী থবক অসি মরু ওইনা মণিপুরী সাহিত্য পরিষদ ত্রিপুরানা অহানবা ওইনা হৌদোকপীবা য়াই। ইমালোলবু নুংশিজবা মীওই ওজাশিং অমসুং মণিপুরী মহৈরোইশিংদা নুমিৎ অসিগী ৱাহন্থোক অমদি ইমালোলগী পুৱারীবু মশক থোক্না খঙহনবতা নত্তনা মখোয়বু থৌগৎপীবদা অচৌবা মতেং অমা ওইগনি খল্লি। ত্রিপুরাদা মণিপুর নীঙতম লান্মী, সাহিত্যগী মশক নাইবা মীওইশিংগী নুমিৎ নচিংবা অয়াম্বা মণিপুরদা বেইস তৌরগা পাঙথোকপা ঙাক্তনি। খুদম ওইনা খোংজম ডে, পেট্রিওটু ডে, পাউনা নুমিৎ, ইরাবত নুমিৎ, মহাকবি হিজম অঙাংহল, ড. কমল, খ্বাইরাকপম চাউবা অসিনচিংবা আসামদসু বাংলাদেশতসু অমসুং ত্রিপুরাদসু পাঙথোকই। মণিপুরীগী নেশনেল ওইবা নুমিৎ/থৌরমনি।

 ডিসেম্বর ১২, নুপীলাল নুমিৎ পাংথোকপা, ত্রিপুরা

অদুবু ত্রিপুরাগীসু মৈতৈগী মশাগী লৈজবা তোঙানবা শীংথাবা য়াবা নুমিৎ কয়াসু পালন তৌবা য়াই। মরমদি চহীচা কয়া মমাংদগী খুন্বারক্লবা ঙসিসু তখেনদা মৈতৈ মৈতৈ পুৱারী মশক খঙদবা হৌরক্রিবা মৈতৈ মচা কয়াসু লৈরি। পুৱারীগী থৌদোক কয়ানা মরম ওইরগা অমসুং চহী তরেৎ খুন্তাকপদা (সেভেন ইয়ার ডেভেষ্টেশন) মণিপুর থাদোক্তুনা ত্রিপুরা লৈবাক্তা চেল্লকপা মতমদা নাউকোন্দুনা পুরকখিবা ঐখোয়গী নাৎ কালচার ঙাকপগা লোয়না লোয়ননা লীশাং শিৎনা চহীচা কয়া খুন্দারক্লিবা লমদম অসিগী মণিপুরীশিংগী মশাগী তোপ তোপ্না লৈজবা পুৱারীসু মশক খঙদবা য়াদে। খুদম ওইনা শীংথাবা য়াবা নুমিৎ খরা মদুদি ত্রিপুরাদা ইমলোল মণিপুরী তম্বী তাকপীবা হৌদোকখিবা নুমিৎ এপ্রিল তাং ১৩, লমদম অসিদা কুঠি মতুং ইন্না সনা চহী অহুমগী মপোক নুমিৎ বৈশাখ তাং ২ অমসুং সাহিত্য সংস্কৃতিগী লমদা থোইদোক হেন্দোক্না অখন্ননা থৌদাং লৌবিরম্বা গুরুময়ুম রাজেশ্বর শর্ম্মা (পোকপা নুমিৎ ফেব্রুয়ারী তাং ১৭), কৈথেল্লাকপম চন্দ্রকুমার সিংহ (পোকপা ফেব্রুয়ারী ১), রাজকুমার কমলজিৎ সিংহ (পোকপা আগষ্ট ৮) নচিংবা মখোয়গী পোকপা নত্রগা লৈখিদবা নুমিৎ অমবু শীংথারদুনা পালন তৌবা য়াই। মণিপুরগী মপান্দা শান্তিনিকেতন্দা মণিপুরী জগোই অহানবা হৌদোকপীবা অমসুং তম্বী তাকপীবদা থৌদাং চাওনা লৌবিরম্বা ত্রিপুরাগী নৃত্য গুরুশিংবু ইকাইখুম্নবা ওইনা নুমিৎ অমা পালন তৌবা অসিনচিংবা শীংথাবা য়াই। মসিগী থবক অসিসু সাহিত্য পরিষদ নত্রগা সংস্কৃতি লুপনা থৌদাং লৌবা য়াই। অসুম্না মপান মণিপুরদা চোইনা চাইনা তাখ্রিবা মণিপুরী ইচিল ইনাওশিংগী লীক্লম থীবদা অসিগুম্বা থৌদোক ৱারী মচা মচা কয়ারোম অসিনা ত্রিপুরাদা খুন্দারিবা মণিপুরীবু অতৈসু হেন্না মশক থোক্না খঙবা ঙমগনি হায়না খল্লি।