মালেমগী ইমালোলগী নুমিৎ পাঙথোক্তুনা লাইরিক ফোঙখ্রে
ইম্ফার, ফেব্রুয়ারি ২৫ : সাহিত্য সেবা সমিটি, ককচিং মণিপুরনা শীন্দুনা মালেমগী ইমালোলগী নুমিৎ থৌরম ঙসি ককচিং ফৌশুপাৎ লৈকায়দা লৈবা লাইব্রেরী এন্দ ইনফোর্মেসন সেন্টার ককচিংগী মী উনশঙদা পাঙথোকখ্রে।
থৌরম অদুদা ভুবোন ব্রিক ফিল্ডগী মপু নাওরেম নোপুরনা অথোইবা মীথুং, কে এম সী ককচিংগী কেমেষ্ট্রি দিপার্টমেন্টকী হেদ নাওরেম চাউবনা অখন্নবা মীথুং অমদি সাহিত্য সেবা সমিটি ককচিংগী প্রেসিদেন্ট ক্ষেত্রিবিরনা থৌরম মপু ওইনা শরুক য়াখি।
কুকিশিংনা চত্থরক্লিবা লানসিদা মণিপুরগী ঙমখৈ ঙাক্নবগীদমক থৱায় থাখ্রবা অথৌবাশিংগী মফমদা ঈকায় খুম্নবা ঊৎপা ওইনা মীয়াম্না মিনিট অনী তুমীন্না লেপ্তুনা অৱাবসু ফোঙদোকখি। থৌরম অদুদা কমদৌনা ইমালোলগী নুমিৎ পাঙথোকপা হৌরকখিবনো অমসুং করিগীদমক পাঙথোক্লিবনো হায়বগী মতাংদা ডা. চিরোম রাজকেতন এসোসিয়েট প্রোফেসর মণিপুর য়ুনিভার্সিটি অমসুং নাওরেম চন্দ্রমনি স্কোলার অমদি কালচারেল এক্টিভিষ্ট অনীনা ৱা ঙাংখি।
থৌরমগী মনুং চন্না য়েন্দ্রেম্বম ইবোতোম্বী, ককচিং পাজি লৈকায়দা লৈবনা ইবা ‘য়েন্দ্রেম্বম শাগৈ ককচিংগী চাদা-নাওদা মীকোক মীশিং দিসেম্বর ২০২৩ (লুৱাং সলাই)’ হায়না মিংথোনবা লাইরিক অমসু ফোঙখি। ঙসি ফোঙলিবা লাইরিক অদুগী মরমদা ককচিং খুনয়াইদা লৈবা নাওরেম অমুয়াইমনা মশক তাক্তুনা ঙাংখি।
ঙসিগী থৌরমদুগী অনীশুবা শরুক্তা য়েংখোম ধনঞ্জয় হান্না সাহিত্য সেবা সমিটি ককচিং মণিপুরগী প্রেসিদেন্ট ওইরম্বনা শৈদিন মপু ওইদুনা মণিপুরগী শক্নাইবরা অইবা-অইবী কয়ানা শরুক য়াদুনা শৈরেং শৈদিন্নবগী থৌরম অমসু পাঙথোকখি হায়রি।
সোর্স: হুইয়েন লানপাউ ।
0 কমেন্ট:
কমেন্ট তৌবিয়ু