মাইবম নবকিশোরনা ইবা লাইরিক ফোঙখ্রে
ইম্ফাল, সেপ্টেম্বর ৩০ : ইরমদম খোর্জৈ অপূনবা লূপ (ইখল) মণিপুর, হিয়াংলম ৱাবগাইনা শীন্দুনা ঙসি লূপ অসিগী প্রেসিদেন্ত মাইবম নবকিশোর সিংহ, হিয়াংলম মখা লৈকায়গী য়ূমদা মশামক্না ইজবা ‘খন্থ-খন্থরুরগা নুং ঙাইরকপা নোকৱা, প্রমান-পন্থৈ অমসুং অতৈ-অতৈ) হায়না মিং থোনবা লাইরিক ফোঙবগী থৌরম অমা পাঙথোকখ্রে হায়রি।
নোংমাইথেশ কিরনকুমার সিংহ, কনভেনর মণিপুরী লেঙ্গুয়েজ এদভাইজরি বোর্দ নিউ দিল্লীনা অথোইবা মীথুংলেন, ইখলগী ভাইস প্রেসিদেন্ট তোলচৌ শমজেৎশাবমনা থৌরম মপু অদুগা য়ুম্লেম্বম ইবোমচা সাহিত্য একাদেমি এৱার্দি, প্রোফেসর নহাকপম অরুনা, দিন স্কুল ওব হিউমেনিটিজ মণিপুর য়ুনিভার্সিতি, ক্ষেত্রি বীর প্রেসিদেন্ত সাহিত্য সেবা সমিতি ককচীং, লাইশ্রম মেমো সিংহ রাইটার, দাঃ মখোনমণি মোংশাবা এসিস্তেন্ত প্রোফেসর মণিপুর য়ুনিভার্সিটি ওব কালচার অমসুং দাঃ নোংমাইথেম প্রমোদিনি দেবী প্রেসিদেন্ত মচা চনু ককচীংনা অখন্নবা মীথুংলেনশিং ওইনা শরুক য়াখি।
ইখলগী লাইরিক ফোঙবগী অখন্নবা থৌরম অদুদা থৌনাওজম ঙৌবা সিংহ লাংমৈদোং মনিং মখা লৈকায়দা ইখলগী ভাইস প্রেসিদেন্তনা থা অসিগী ২৭ তা খঙহৌদনা লৈখিদবদা মিনিট অনী তুমিন্না লেপ্তুনা অৱাবা ফোঙদোকপগী থৌরম অমসু পাঙথোক্তুনা লৈখিদ্রবগী মফমদা ইকায়খুম্নবা ঊৎখি হায়রি।
সোর্স: পোক্নফম
0 কমেন্ট:
কমেন্ট তৌবিয়ু