ত্রিপুরাগী মফম কয়াদা লময়ানবা হিজম ইরাবতী ১২৬ শুবা মপোক কুমওন থৌরম পাঙথোকখ্রে
আগরতলা, সেপ্টেম্বর ৩০ : মণিপুরী পুৱারীদা শিংথারবা নিংতম লান্মী লময়ানবা হিজম ইরাবতকী ১২৬ শুবা মপোক কুমওন থৌরম ত্রিপুরাগী মফম কয়াদা পাঙথোকখ্রে হায়রি। আগরতলাগী তরৌ মীতৈ লৈকায়দা মণিপুরী লিতরেরি এন্দ কালচারেল ফোরাম ত্রিপুরা অমসুং তখেল লৈমা তেঙবাং লূপ অনীনা পূন্না শীন্দুনা নুমিৎ অসি পাঙথেকোকখি।
থৌরম অদুদা মরুপ পাউ-চেগী জোইন্ত এডিটর রাজকুমার তরুনজিৎ সিংহ, ফোরামগী জেনারেল সেক্রেটারি খোইস্নাম মঙ্গল, তখেল লৈমাগী ভাইস প্রেসিদেন্ত খুন্দ্রাকপম প্রজাপতি সিংহ, তখেল লৈমা তেংবাং লূফকী সেক্রেটারি খোইস্নাম বিরোলা নচিংবা লেংবীরকপা লূপ্লোই ময়াম্না লময়ানবা ইরাবতকী মীতমদ হৈকৎ লৈকৎ তমখি অমসুং মিনিট অনী তুমিন্না লেপ্তুনা অথৌবগী মফমদা ইকায়খুম্নবা উৎখি।
থৌরম অদুদা আর কে তরুনজিৎ সিংহনা ইরাবতকী মরমদা ৱা ঙাঙখি, খোইস্নাম বিরোলা সিনহা, খুন্দ্রাকপম ওংবী কনিকা সিংহ, থোংগ্রাতাবম অমৃতা শর্ম্মা, সাপম সুষমা সিংহ, লাইপুবম প্রতিভা শর্ম্মা, ক্ষেত্রিময়ূম পীনাকি সিংহ, খোইস্নাম মঙ্গলনা ইরাবতকী মরমদা ইবা শৈরৈংশিং পাথোকখি।
অমারোমদা সাহিত্য পরিষদ ত্রিপুরানা শীন্দুনা আগরতলা ধলেশ্বরদা খিনবা ইরাবতকী মীতমদা হৈকৎ লৈকৎ তমখি। মরুপ ওর্গানাইজেসন্না শীন্দুনা বিশালগড় মহকুমারগী লালসিমুড়া মৈতৈ খুল, খোৱাই দূর্গানগরদা লৈকোন ওর্গানাইজেসনগা লোয়ননা অৱাং ত্রিপুরাগী ধর্মনগর রাজবাড়ীদা খিনবা লময়ানবা ইরাবতকী মীতমদা হৈকৎ লৈকৎ তমদুনা লময়ানবা ইরাবতকী ১২৬ শুবা মপোক কুমওন থৌরমশিং পাঙথোক্নখি হায়রি।
সোর্স: পোক্নফম
অতৈসু পাবীয়ু: বাংলাদেশতা জননেতা হিজম ইরাবতকী ১২৬ সুবা মপোক কুমওন পাংথোকখ্রে
0 কমেন্ট:
কমেন্ট তৌবিয়ু