মণিপুর লৈঙাক্কী মতেং লৌরগা মিলালনা ত্রিপুরাদা মীতৈ ময়েক তম্বীবা হৌখ্রে
আগরতলা, এপ্রিল ১৭ : মণিপুরদা এম. এগী থাক ফাওবদা মীতৈ ময়েক তমদুনা ময়েক অসি মপুং ফানা চৎনবা হৌখ্রে। মণিপুরগী ৱাংমদা মরু ওইনা ত্রিপুরাগী মীতৈশিংবু ময়েক অসি মশক খঙহন্নবা অমদি তম্বী তাকপীনবা মণিপুর লৈঙাক্কী মখাদা ডিরেক্টরেট অব ল্যাঙ্গুয়েজ প্লানিং এ্যন্ড ইমপ্লিমেন্টেশন, মীতৈ ইরোল ইয়েক লোইনাশিল্লোল অপুনবা লূপ (মিলাল), মণিপুরনা পুথিবা ওয়েলফেয়ার এ্যন্ড কলচরেল সোসাইটি, অভয়নগরগী মতেং লৌরগা ত্রিপুরাদা চোইজাইননা তাবা মীতৈ খুঙ্গং খরদা চৎলগা মীতৈ ময়েক তম্বী তাকপীগদৌরি হায়রি। ঙসি এপ্রিল তাং ১৭, অভয়নগর পুথিবা দেবতা মন্দপতা মীতৈ ময়েক তম্বীবা হৌদোকপগী থৌরম পাঙথোকখ্রে।
থৌরম অদুদা মণিপুরদগী মিলালগী প্রেসিডেন্ট খাইদেম ইঙোচা মীতৈ, রিছোর্স পারসন এস তোম্বা মঙাং, উকল মণিপুরগী জেনারেল সেক্রেটারী এম. মনিতোন, মণিপুরী লিটরেরী এ্যন্ড কলচরেল ফোরাম, ত্রিপুরাগী সেক্রেটারী খোইস্নাম মংগল, পুথিবা ওয়েলফেয়ার এন্ড কলচরেলগী এডভাইজর এন নিরঞ্জন, সেক্রেটারী এস দীপক কুমার, মণিপুরী সাহিত্য পরিষদ, ত্রিপুরাগী এসিঃ সেক্রেটারী কোনসম অতুল কুমার সিংহ নচিংবা মীওইশিং শরুক য়াখি।
মিলালগী ভিপি ৱাইখোম গজেন মীতৈ, জেনারেল সেক্রেটারী নোংমাইলেম্বী লৈমা, ফিনান্স সেক্রেটারী সিনাম কুন্দিচা নচিংবসু শরুক য়াখি। হয়েংদগী ত্রিপুরাগী মৈতৈ খুঙ্গং খরদা মীতৈ ময়েক অসি মশক খঙহনবগা লোয়ননা তম্বী তাকপীনবা ক্লাস হৌগনি হায়রি।
সোর্স: মরূপ
0 কমেন্ট:
কমেন্ট তৌবিয়ু