মণিপুরী জগোয়গী শক্নাইরবী থিয়াম সুর্য্যমুখী লৈখিদ্রে
ইম্ফাল, জুন ২৯ : মণিপুরী জগোয়গী শক্নাইরবী অমসুং পদ্মশ্রী এৱার্দি থিয়াম সুর্য্যমুখী দেবী মশাগী অনাবা অমান মরম ওইরগা ঙসি লৈখিদ্রে, মহাক্না লৈখিদবা মতমদা চাউরাক্না মশাগী চহী ৮৬ শুখ্রে।
ইম্ফালগী কৈশাম্পাৎ লৈমজম লৈকায়দা পোকখিবী মণিপুরী জগোয়গী গুরু থিয়াম সুর্য্যমুখী দেবী পদ্মশ্রী এৱার্দ (২০২৫) য়াওনা সঙ্গিত নাতক একাদেমি এৱার্দ (২০০৩), স্তেত কলা একাদেমি এৱার্দ (১৯৮৫) অমসুং মণিপুর সাহিত্য পরিষদনা নৃত্য ভূষণ উপাধি (১৯৯৯) অমসুং গুরু তরুনকুমার সম্মান (২০০৯) লান্থোক্তুনা ইকায়খুম্নবা ঊৎখ্রবীনি।
মণিপুরগী শক্নাইরিবী জগোয়গী গুরু অসিনা লৈখিদবদা মণিপুর স্তেত কলা একাদেমি য়াওনা মায়কৈ কয়াদগী অৱাবা ফোঙদোক্নরক্লি।
নীংশিংবা য়াই, মণিপুরী জগোয়গী গুরু থিয়াম সুর্য্যমুখী দেবীগী কৈশাম্পাৎ লৈমজম লৈকায়দা য়ূমদা মণিপুরগী চীফ সেক্রেতরি অমসুং কমিস্নার (হোম) লাক্লগা পদ্মশ্রী সাইতেসন অমসুং মেমোন্তো অদু খূৎশিন্নখিবনি।
সোর্স: পোক্নফম
0 কমেন্ট:
কমেন্ট তৌবিয়ু