বাংলাদেশতা সনামহী লাংশঙদা ইমোইনু ইমা ঈরাৎ থৌনি থৌরম পাঙথোকখ্রে
সিলেট, জানুয়ারি ৩ : ইমা ইমোইনু ঈরাৎ থৌনি থৌরম ঙশি বাংলাদেশকী মৌলভীবাজার ডিস্ট্রিক্টকি কমলগঞ্জ উপজেলা মনুং চন্না লৈবা আদমপুরবাজারগী নয়াপত্তন খুলদা লৈবা লাইনিংথৌ সনামহি লাইশঙ কমিটিনা শীন্দুনা সনামহী লাইশঙদা ইমোইনু ইমা ঈরাৎ থৌনিগী থৌরম পাঙথোকখি। থৌরম অসিগী মনুং চন্না অয়ুক অঙনবদগী হৌনা মীয়াম্না ইমোইনু ইমাগী খুভমদা চেঙ অমসুং অথেনপোৎ কানরক্তুনা কৎনখি। ইমা ইমোইনুবু শৈথাবা ঈশৈ থৌগল উৎখি।
মৈতৈগী লাইনিংগা মরী লৈনবা ইমা ইমোইনু ঈরাৎ-থৌনি থৌরম ঙসি য়ূমথোঙ খুদীঙদগী হৌরগা মণিপুর অমসুং মণিপুর মপান লমদমদা খুন্দারিবা মফম কয়াদা পাকশন্না পাঙথোক্নখ্রে। নুপী ওইবীশিংদা চেনগদবা গুণ, য়ূম্বাল্লোন য়াৎলিবী অমসুং চাকহোং-ঙাহোংহল্লিবী ইমা লাইরেম্বী অসিগী নুমিৎ অসিদা মরু ওইনা মৈতৈ ফুরুপকী য়ূমথোঙ খুদীংদা ফুঙ্গা লাইরু হৌদুনা ঙা অমসুং অথেনপোৎ কৎতুনা ঈরাৎ-থৌনি পাঙথোক্নবগা লোয়ননা মৈরাসু কৎনখি।
0 কমেন্ট:
কমেন্ট তৌবিয়ু