প্রোঃ ওজিৎকুমারদা রিসার্ছ এক্সেলেন্স এৱার্দ-২০২৪ পীখ্রে
ইম্ফাল, মে ১২ : য়ুনিবার্সিতি ওব দিল্লীগী রামজাস কলেজ দা জুলোজি দিপার্তমেন্ততা তাকপী তম্বীবদা নত্তনা পোক্নফম অমসুং মসিগী সিস্তর পাব্লিকেসন দি পিপলস ক্রোনিকেল পাউ-চেগী কলম্নিস্ত ওইরিবা প্রোফেসার ময়াং লম্বম ওজিৎকুমার সিংহবু ইন সাইন্স ইনস্তিত্যুত ওব স্কোলারনা ‘রিসার্ছ এক্সেলেন্স এৱার্দ-২০২৪’ পীদুনা ইকায়খুম্নখ্রে।
প্রোফেসর ওজিৎকুমারনা হৌজিক ক্লাইমেত চেঞ্জনা তীন-কাঙশিংদা ওইহল্লকপা অহোংবশিংগী মতাঙদা অমদি মখোয়গী মরক্তা লৈনরিবা মরীগী মতাঙদা রিসার্ছ তৌরিবনি। হৌখিবা চহীদা মহাক্না সিকাদাগী তোপ-তোপ্পা খেন্নবা মখল অনী দিল্লীগী ধিরপুর ওয়েতলেন্দ পার্কতগী পুথোকপা ঙমখি।
ইং ২০২২ দা মহাক বেস্ত তিচরগী এৱার্দ ফংখিবগা লোয়ননা মহাক্না লৌশিপাৎ বেসিনগী মহৌশাগী শক্লোন অমদি মসিদা থেংনরিবা ঈশিংদা লৈবা জীবশিংগী মতাঙদসু রিসার্ছ তৌবগীদমক মায়কৈ কয়াদগী শীংথানিংঙাই ওইবা ৱাফম ফোঙদোক্নখ্রবনি।
সোর্স: পোক্নফম
0 কমেন্ট:
কমেন্ট তৌবিয়ু