লাইরিক অনী ফোঙখ্রে
ইম্ফাল, মে ১২ : মীতৈ ফুরুপকী ওফিস ওইরিবা দেস্তিত্যুত চিলদ্রেন হোম, তেরা কৈথেলদা পাঙথোকপা থৌরম অমদা অয়েকপম তোম্বা মীতৈনা ইবা মীতৈ য়েক সলাই অসুপ্পা অহুমশুবা এদিসন অমসুং শ্যামকুমার লাইশ্রমনা ইবা সোরোজ অনীশুবা এদিসন ফোঙবগী থৌরম অমা ঙসি নুংথিল পূং ৩ তাবা মতমদা পাঙথোকখ্রে।
থৌরম অদুদা ববিনা গ্রপকী চেয়ারমেন কম মেনেজিং দিরেক্তর দাঃ তিঐচ ধবলি সিংহনা চীফ গেস্ত, লোয়নশিল্লোন অপূনবা মণিপুরগী চীফ ফঙ্কসনরি চিংতম লুৱাংনা প্রেসিদেন্ত অমসুং ওয়ের্স্তন কলেজ কোন্থৌজমগী দিপার্তমেন্ত ওব ইংলিশকী এসিস্তেন্ত প্রোফেসর কোন্সম কুল্লধ্বজ সিংহনা বুক রিভিউৱর ওইনা শরুক য়াখি।
মীতৈ ফুরুপকী প্রেসিদেন্ত দাঃ শ্যামকুমার লাইশ্রমনা নুংগী ওইবা ৱারোল পীদুনা হৌদোকখিবা থৌরম অদুদা দিগনেতরিশিংনা লাইওরবা তেরা পাম্বী ঈশিং চায়বিখি। চুরাচান্দপুর মেদিকেল কলেজ ক্যামগৈগী দিপার্তমেন্ত ওব বাইওকেমিস্ত্রিগী এসিস্তেন্ত প্রোফেসর দাঃ পিঙ্কি করামনা থাগৎ ৱারোল পীখি।
সোর্স: পোক্নফম
0 কমেন্ট:
কমেন্ট তৌবিয়ু