নয়ানস্না, সুবদনী অমদি রাকেশতা তোঙান তোঙানবা মীংথোল পীদুনা ইকায় খুম্নখ্রে
ইম্ফাল, সেপ্তেম্বর ২৮ : পালেম পন্থৌ কলচরেল ত্রস্ত, লাংজিং অচৌবনা শীন্দুনা ঙসি নুংথিল ওয়ের্স্তন স্তার ক্লব লাংজিং অচৌবগী কম্যুনিতি হোলদা ১২৯ শুবা লময়ানবা হিজম ইরাবতকী মপোক নুমিৎ থৌরম পাঙথোকপগা লোয়ননা তোঙান তোঙানবা ইন্তরনেসনেল ফিল্ম ফেস্তিবেল কয়াদা শরুক য়াবদা নত্তনা ইন্তরনেসনেল এৱার্দ ২৮ হেন্না ফংলকখ্রবা মণিপুরগী ফিচর ফিল্ম ‘য়াহৌথেংবা খোইমু’ গী প্রদ্যুসর এন্দ স্তোরি রাইতর দাঃ আর কে নয়ানস্না দেবী অমদি ‘অশেংবল ইরলগী’ প্রদ্যুসর এন্দ স্তোরি রাইতর দাঃ ক্ষেত্রিময়ুম সুবদনি দেবীদা ইনাৎ ‘সনা পোঞ্জেংশাবী’ অমদি য়াহৌথেংবা খোইমুগী দিরেক্তর রাকেশ নাওরেমদা ‘ইনাৎ পোঞ্জেং গী খুৎহৈবা’ হায়বা মীংথোল পীদুনা অৱাংবা থাক্তা ইকায়খুম্নবা ঊৎখিবগা লোয়ননা তরাম্না ওকখ্রে।
ঙসিগী থৌরম অদুদা দিন, স্কুল ওব হ্যুমেনিতিজ, দিএম য়ু অমদি দি এম কলেজ ওব আর্তস ইম্ফালগী প্রিন্সিপাল প্রোফেসার এস লনচেনবা মীতৈনা অথোইবা মীথুংলেন, ই জেদ সি সি কোলকাতা, মিনিস্ত্রি ওব কলচর গবর্নমেন্ত ওব ইন্দিয়াগী মেম্বর ওব গবর্নরসু ওইরিবা পি পি সি তিগী চেয়ারম্যানে বুধ চিংথামনা থৌরম মপু অমদি আর্ত এন্দ কলচর গবর্নমেন্ত ওব মণিপুরগী রিতয়ার্দ এসিস্তেন্ত দিরেক্তর হাওবম চিত্রানা অখন্নবা মীথুংলেন ওইনা শরুক য়াখি।
সোর্স: পোক্নফম
0 কমেন্ট:
কমেন্ট তৌবিয়ু