নোংথোম্বম কুঞ্জমোহন ট্রান্সলেসন এৱার্দ-২০২৫ শক্নাইরবা ট্রান্সলেটর সলাম তোম্বদা পীরগনি
ইম্ফাল, সেপ্তেম্বর ২৩ : সাহিত্য থৌপাং লুপ (সাথৌলুপ) না ইন্টারনেসনেল ট্রান্সলেসন ডেগা মরি লৈননা চহি ২/২ লৈরগা পীবা নোংথোম্বম কুঞ্জমোহন ট্রান্সলেসন এৱার্দ, ২০২৫ গী ওইনা শক্নাইরবা ট্রান্সলেটর সলাম তোম্বদা পীরগনি হায়রি।
এৱার্দ অসি সেপ্তেম্বর ৩০ দা কৈশাম্পাৎতা লৈবা দাইরেক্টরেট ওফ ইনফোর্মেসন এন্দ পাব্লিক রিলেসন্সকী ওদিটোরিয়ামদা লান্থোক্কনি। ঙসি ফাওবদা সলাম তোম্বনা ট্রান্সলেসনগী লম অসিদা লৌরিবা থৌদাং অসিবু ইকাই খুম্নবা উৎপা ওইনা এৱার্দ অসি পীগদবনি। এৱার্দ অসিদা শেল ওইনা লুপা লিশিং ১০, সাইটেসন অমা অমদি সাল অমা য়াওরি।
ইন্টারনেসনেল ট্রান্সলেসন ডেগা মরি লৈননা লাইশ্রম সমরেন্দ্র বার্থ সেন্টেনারী সেলেব্রেসনগী শরুক অমা ওইনা মহাক্না ইরম্বা শৈরেং ‘ৱা অমত্তা হায়গে তেলঙ্গা’ বু থৌনাওজম রতনকুমারনা ইংলিসতা হন্দোক্তুনা ফোঙগনি। লোয়ননা লাইরিক অসিগী মরমদা মণিপুর য়ুনিবর্সিটিগী রিসার্চ স্কোলার চনম্বম শর্মিলা দেবীনা ৱা ঙাংগনি। নুমিৎসিগী অখন্নবা থৌরম অমা ওইনা সাহিত্য একাডেমি এৱার্দি হাওবম সত্যাবতি দেবীনা চিয়ার লৌদুনা মাল্টি লিঙ্গুয়েল পোইটস মীট অমসু পাঙথোক্কনি হায়রি।
সোর্স: পোক্নফম
0 কমেন্ট:
কমেন্ট তৌবিয়ু