ত্রিপুরাদা মণিপুরী লেংগ্বেজ, লিতরেচর এন্ড কলচরগী নেসনেল সেমিনার পাঙথোকখ্রে
ইম্ফাল, আগস্ত ২৫ : মণিপুরী লিতরেরি এন্দ কলচরেল ফোরম, ত্রিপুরা অমসুং পেত্রিওত্রিক রাইতর্স ফোরাম অনীনা খুৎশম্নরগা ঙসি মণিপুরী লেংগ্বেজ, লিতরেচর এন্দ কলচরগী মতাঙদা নেসনেল সেমিনার অমা নজরুল কলাক্ষেত্র কমপ্লেক্সকী সাহিত্য একাদেমি হোলদা পাঙথোকখ্রে।
সেমিনার অদুদা সাহিত্য একাদেমি এৱার্দি সোরোকখাইবম গম্ভিনীনা অথোইবা মীথুংলেন অমসুং মণিপুরী লেংগ্বেজ এদভাইজরি বোর্দ দিল্লীগী মেম্বর খোইস্নাম বিরোলানা থৌরম মপু ওইনা শরুক য়াখি। পি এ দব্লিউ এফ, মণিপুরগী প্রেসিদেন্ত নাওরোইবম খম্বা লুৱাংসু থৌরম অদুদা শরুক য়াখি।
থৌরম অদুদা সোরোকখাইবম গম্ভিনীনা হায়খি, ঙসি মীতৈ এখোয়গী মরক্তা মোরেল অসি য়াম্না মাঙথরকপগুম তৌরে। হৌরক্লিবা অঙাংশিংদা মোরেল সাইন্স অসি য়াম্না মরুওইবা সবজেক্ত অমা ওইনা তম্বগী তঙাইফদবা লৈরে।
মীরোল মাঙথরকপা খুন্নাই অমা ওইরকপা মতমদা খুন্নাই অদুগী নাৎ, শক্তম অমদি অতৈ হীরম কয়াদা কায়থরক্কদৌরিবনি। ঐখোয়না ঐখোয়গী খুন্নাই অসি কনবদা অফবা মোরেল অসি য়াম্না মরুওইবা ইলিমেন্ত অমনি হায়না সাহিত্য একাদেমি এৱার্দি গম্ভিনীনা ফোঙদোকখি।
থৌরম অদুগী কি নোত এদ্রেস পীরদুনা পি এ দব্লিউ এফকী সেক্রেতরি রাকেশ নাওরেমনা হায়খি, মণিপুর, আসাম, ত্রিপুরা, শিল্লোং, ম্যান্মা, বাংলাদেশ অমিদি অতৈ মালেমগী মীতৈশিংনা খুন্দারিবা মফমশিংদা চত্তুনা মৈতৈ ঐখোয়গী খোঙ্গুল লিবগী খোঙচৎ অমগী মনুং চন্না ঙসিগী সেমিনার অসি ত্রিপুরাদা শীনবনি।
সেমিনার অসি ত্রিপুরা অমদি মণিপুর অনীগী হৌখ্রবা পুৱারী, চৎনবী, নাৎ অমসুং শক্তমগী মতাঙদা খরা মখৈদি হৌজিক্কী মীরোল অসিদা খঙহনবদা মতেঙ ওইরগনি। অসিগুম্বা সেমিনার কয়া তোইনা পাঙথোকপা তারগদি হৌরক্লিবা অমদি তুংগী মীরোলদা মীতৈ ঐখায়গী চৎন-লোনচৎ কয়াসু খঙহনবদা অচৌবা মতেঙ ওইগনি হায়না রাকেশ নাওরেমনা ফোঙদোকখি।
সোর্স: পোক্নফম
0 কমেন্ট:
কমেন্ট তৌবিয়ু