ত্রিপুরাদসু বৈষ্ণব চূড়ামনি রাজর্ষি ভাগ্যচন্দ্রগী ২৮৫ শুবা মপোক কুমওন
আগরতলা, জুন ২৫ : বৈষ্ণব চূড়ামনি রাজর্ষি ভাগ্যচন্দ্রগী (১৭৪০-২০২৫ খৃঃ) চহী ২৮৬ শুবা মপোক নুমিৎ চৎখিবা জুন ২১ থাংজা নুমিৎ ত্রিপুরাগী ওয়েষ্ট অমসুং নর্থ ডিষ্ট্রিক্ট মফম অনীদা চীংলেম্না পাঙথোকখ্রে।
নোংমগী ওইবা থৌরম অসি মণিপুরগী রাজর্ষি ভাগ্যচন্দ্র কলচারেল ফাউন্ডেশন না ত্রিপুরাগী লুপ খরগা খুৎশম্নরগা আগরতলা রাধানরগ শ্রীশ্রী রাধা মাধব মান্ডপতা অদুগা সঙ্গাই আর্ট ষ্টাডি সেন্টারনা শীন্দুনা ধর্মনগর মনতলাদা বৈষ্ণব চূড়ামনি রাজর্ষি ভাগ্যচন্দ্রগী চহী ২৮৫ শুবা মপোক কুমওন শ্রদ্ধাঞ্জলি কৎপাগ লোয়ননা থৌরম কয়া য়াওনা পালন তৌখ্রে। নর্থ ডিষ্ট্রিক্টকী ধর্মনগর দা সঙ্গাই স্টাডি সেন্টরনা মনতলাদা খিন্না লৈবা রাজর্ষি ভাগ্যচন্দ্রগী মিতমদা হৈকৎ লৈকৎ তমদুনা নুমিৎসি অচম্বা থৌরম অমদা চীংলেম্না পাঙথোকখি।
আগরতলা পাঙথোকখিবা থৌরম অদু নোংচুপ জিলাগী ডিষ্ট্রিক্ট ম্যাজিষ্ট্রেট এ্যন্ড কালেক্টর ড. বিশাল কুমার, আই. এ. এসনা চীফ গেষ্ট ওইখি। কলচরেল ফাউন্ডেশনগী ভাইস প্রেসিডেন্ট গুরুময়ুম রঞ্জিত শর্মা, লমদম অসিগী শক্নাইরবা সোসেল এক্টিভিষ্ট ডাঃ অশোক সিনহা, এম. এস. পি. টি গী প্রেসিডেন্ট এল বীরমঙ্গল, এম.এল.সি.এফ কী সেক্রেটরী খোইস্নাম মংগল, লময়ানবা সংস্থাগী এডভাইজর ডব্লিউ বীরমঙ্গল, মরূপকী আরকে তরুনজিৎ, আর.এম. ৱাই এসকী সিজ গুরুময়ুম সুমনা ভট্টাচার্য অমসুং এ. এম. সি ৱার্ড নং ১২ গী কাউন্সিলর শ্রীমতী সান্তনা সাহা নচিংববা গেষ্ট অব অনার ওইখি। থৌরম অদুন মন্দিরগী প্রধান পুরোহিত এস অভিজিৎ ভট্টাচার্য্যনা থৌরম মপু ওইখি।
রাধামাধব মন্দির মমাংদা খিননা লৈবা ভাগ্যচন্দ্রগী মিতমদা হৈকৎ-লৈকৎ তম্বগা লোয়ননা ডি. এম ড. বিশাল কুমারনা মৈরা চুখত্তুনা থৌরমদু হৌদোকপীখি। থৌরম অদুদা ফাউন্ডেশন মাইকৈদগী ডি.এমবিু তরাম্না ওক্তুনা ইকাইখুম্নখি। সাহিত্য পরিষদকী প্রেসিডন্টে এল বীরমঙ্গলনা ওক্না ৱারোল অদুগা ফাউন্ডেশনগী ভিপি রনজিত শর্মানা থাগৎ-ৱাহৈ পীখি।
থৌরমগা মরী লৈননা পাঙথোকখিবা সিম্পোজিয়ামদা ত্রিপুরাগী ডব্লিউ বীরমঙ্গল, মণিপুরগী লামাবম গজেন্দ্র, খুন্দোংবম কুমার অমসুং তখেল্লম্বম ইরাবতনা তোঙান তোঙানবা পেপার পাথোকখি। কালচরেল প্রোগ্রামদা খোংজোম পর্ব শকপা য়াওখি লোয়ননা লময়ানবী আর্টিষ্টশিংনা ক্লাসিকেল ডান্স পার্ফোমেন্স তৌখি। থৌরম অদু সেলেব্রেশন কমিটিগী কনভেনর ক্ষেত্রিময়ুম মাধবীনা কন্ডাক্ট তৌবিখি।
সোর্স: মরূপ
0 কমেন্ট:
কমেন্ট তৌবিয়ু