আপডেট:
image

কাছারগী খোইরেন খুলদা লাংবন হৈশোই কৎখ্রে

ইম্ফাল, সেপ্টেম্বর ২৫: পেট্রিওটস দে ওবজার্ভেসন কম্মিটি মণিপুরী, য়ুনাইটেদ ক্লাবস ওর্গানাইজেসন লক্ষিপুর আসাম অমদি লেং ওন্দবী পাৎ প্রোটেক্সন দিভেলপমেন্ট কম্মিটি কাছার দিষ্ট্রিক্ট আসামনা শীন্দুনা ঙসি লাংবন হৈশোই থাবগী থৌরম অমা কাছার দিষ্ট্রিক্টকী খোইরেন খুলদা লৈবা লেং ওন্দবী পাৎতা পাঙথোকখ্রে।

থৌরম অদুগা মরী লৈননা পেট্রিওটস দে ওবজার্ভেসন কম্মিটি মণিপুরগী চেয়ারম্যান নন্দো তেকচমনা ফোঙদোকখিবদা, মীওই ১৫না শাবা টিম অমনা কাংলাদগী খোঙশাল্লক্তুনা মণিপুরগী পুৱারীগা মরী লৈনবা কাছারগী লেং ওন্দবী পাৎ অসিদা লাকখিবনি। মফম অসিদা লাকপগী মরমদি কাছারগী পুৱারী য়াওদনা মণিপুরগী পুৱারী শেমগৎপদা মপুং ফারোই হায়বা ঐখোয়না উবা ফংই। মসিদা আসাম অমদি মণিপুর লৈঙাক্না মীৎয়েং চঙবীদুনা মফম অসিবু কন্নবা হোৎনবীয়ু হায়নসু ফোঙদোকখি।

থৌরম অদুগা মরী লৈননা খাইদেম কান্তনা ফোঙদোকখিবদা, লুপ অহুমসিনা কাছারগী লেং ওন্দবী পাৎসিদা চহী অমগিী মনুংদা অমুক্তং ওইরবসু লাক্তুনা লৈখিদ্রবা লাইওইখ্রবা অহল-লমনশিংগী মফমদা হৈকৎ লৈকৎ তমজবনি। পাৎ অসি চহী তরেৎ খুন্তাকপগী মতমদা ঐখোয়গী নিংথৌ মচাশিংনা খুভম হঞ্জিন্নবগী খুন্দম চাংদম ওইখিবা পাৎ অমনি হায়খি।

সোর্স: হুইয়েন লানপাউ

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু

আপডেট: