• 809
• ১লা এপ্রিল ২০২৩ ইং
• Share on:

ত্রিপুরাগী কালচারেল এক্টিভিষ্ট প্রণয় মণিপুরদা থুংলখ্রে

ইম্ফাল, মার্চ ৩১ : ত্রিপুরাগী মীতৈ ইচিল ইনাওশিংগী মরক্তা থোইদোক হেন্দোক্না মীয়ামগী থবক তৌরিবা সোসিয়েল এন্ড কালচারেল এক্টিভিষ্ট নিঙোম্বম প্রনয় ঙসি অহানবা ওইনা মণিপুরদা থুংলখ্রে।

পেট্রিওটিক রাইটার্স ফোরাম, ত্রিপুরা ব্রাঞ্চকী এদভাইজর নিঙোম্বম প্রনয়না ঙসি নুংথিল ইম্ফাল ইন্টার্নেশনেল এয়ারপোর্টতা থুংলবদা পেত্রিওটিক রাইটার্স ফোরাম মণিপুরগী সেক্রেটারি রাকেস নাওরেম, লাইফ মেম্বার কেকে ৱাহেংবম অমদি কেন্নি ৱাহেংবমনচিংবা মেম্বার কয়ানা হরাও তয়াম্না ওকখি।

প্রনয়না মণিপুরদা হেক থুংবগা ইম্ফালগী হয়িং খোংবালদা লৈবা লাইনিংথৌ সনামহিগী খুবমদা চঙদুনা থৌনিখি। খোঙচৎ অসিগী মতাংদা প্রনয়না হায়, ‘পুন্সিগী অহানবা ওইনা ঙসি ইমা লৈপাক মণিপুরগী লৈমায়দা খোঙদবা ফংবসি ঐ পোকপগী মহৈ য়াল্লে। খোঙচৎ অসিগী মনুং চন্না মণিপুরগী লাইশঙশিং অমদি পুৱারীগা শাগোন্নবা মফমশিং য়েংগনি।’ প্রনয়না ঙসি সাহিত্য একাদেমি এৱার্দি শরতচান্দ থিয়ামগা উনদুনা ৱারী-ৱাতাই কয়াসু শান্নখি।