তাবীদ্রবা খোঞ্জেল ময়াম মরক্তা ‘অপিকপা খোঞ্জেল অমা’ শৈরেং অসিনা করি হায়নিংলিবা
লাইরিক্কী মমিংঃ অপিকপা খোঞ্জেল অমা (২০১৯)
অইবাঃ নিংঙোম্বম রবিচন্দ্র সিংহ
অফোঙবাঃ সরদা ত্রান্সলেসন্স এন্ড পব্লিসিং গ্রুপ
লাইরিক্কী মমল লূপা ১৯৯/-
লাইরিক্কী মখূমঃ ঘনশ্যাম
লমায়ঃ ১৭০
চীংলৈবাক মনিপুরগী নুংশিরবা ৱারী কয়া লীরি মালেমগী মীয়াম্না। মহৌশা খূৎশেমগী ফজবা। কাংলুপ ফুরুপ কয়ানা নুংশিনা খুন্দুনা লৈরিবা লমদম অসিদা হৌখিবা চহী কুন্থ্রা নিফুসিদা লাক্লিবা খুৎলাই পায়বা মশেলগী মুকনবা। মসিদা মীচাম মীয়াম্না নে তানা হিংবা ঙমদবা মতম। শাশিন্নবা কাপ্নবা অমদি মরাল লৈতনা খাংঙুথক্তা পুন্সি লোমখ্রবা মীওইশিংগী ৱারী। লোয়বা নাইদ্রবা লৈঙাক্কী তৌশিন্নবা লৌনম নম্থাক্কী ৱায়েল পুম্নমকনা খঙই। ফোংনা হায়বা ঙমদে লমদমসিদা। মরমদি অকনবনা অচুম্বা ওইরি। মীচং শংগা লৈতবনা ভিক্তিম ওইরি। অসিগুম্বা তংদু লৈতাদ্রবা মতমসিদা থোকলকপা কবি অমা ওইরুবনা রবিচন্দ্রসু ইদবা ঙমদে মমালৈবাক্কীদমক। অদুনা হায়রকলি মহাক্কী অৱাংবা থাক্কী ৱায়েল“এক্সত্রা জুদিসিএল কিলিং/ ফাকাপ্তা, পোইন্ত ব্লেঙ্ক রেঞ্জদা,/ য়াম্লে, মশীং ফনা য়াম্না,/…মীহুৎ থারক্লে,/ অচুম্বা ঙাংগনু কিহনখরে,/ ‘কাপলেমখাক’শিং কঙাওনরি,/ অরুবা তানফমনি, ইচাশিংদি? হুম ঐদি শিবা য়াদ্রি।” (লাঃ ৯) শেৎ- খায়নবগী ঈশৈ মরক্তা, অৱাবা পুন্সিগী পোৎলূম মরক্তা ঐখোয় হিংদবদি য়াদে। অসিগুম্বা চত্থরিবা লৈঙাক্কী মীয়ামগী হায়বা লীলা মরক্তা ৱাহং কয়াদি মহাক্কি শৈরেং হংলি।
য়েন্নিংথা অমসুং নাকেন্থা অনীগী মরক্তা পোইনু লৌরোক পান্থানা কুমওন খুদিং লৌমীশিংবু মোমো নোকহল্লি। তাইবঙ ওইবা অমদি লমগী পোম্বী চেক্লা খীবিকসু তাইবঙ শেম্বা মপূ মাগী নুংশিবা কোলোই শকনরি লোইনাইদনা। অতিয়ানা শংবানবা, লৈচীলনা লশিংগুম মনিং তম্না মালং ইপোমদা তাওদুনা শান্নরিবা। তুরেলশিংনা অদুম লেপ্তনা চেন্থরিবা,পুম্নমক মহৌশা মাগী কায়ফদ্রবা খোঙচৎনি। মালেমসিদা লৈরিবা অচৎ চত্তা থৱায় পানবা পুম্নমকনা খোঙচৎ অসিবু মতম খুদিং ইকায়খুম্নদুনা কায়দনা চৎনবা হোৎনরি অদুবু খ্বাইদগী শিংলে হৈরে হায়না খল্লিবা মীওইবনা অসিগুম্বা খোঙচৎ অসিবু কায়দনা তুংইন্দুনা চৎপগী মহুত্তা ওন্ন- তৈনবা মওংদা মতম খুদিং অমাং অতা থোকহন্দুনা মহৌশা খোঙচৎ অসিবু শিংনরি। মালেম নোংখোঙ কায়দুনা ঙসিদি য়াম্না থাজদবা মওং অমদা অইং অশাগী খল শাথিনা কায়থরক্লি। পাৎ তুরেল কয়া কংশিল্লকপা, তলা পামেল কয়া লেপকং কংলকপা, লমগী চেক্লা কয়াগী কায়দোং ওইরম্বা উজাউ উপাল কয়ানা অসুম কাংখুল মুৎলকপদা হৈ শিংলবা মীওইবনা মালেমগী থাক্তা লৈবাক কয়াগী চাওরবা মীফম চহী খুদিং হঞ্জিন হঞ্জিন ফমদুনা মহৌশা খোঙচৎ কায়দনা হোৎনরগা করি করম্বা পাম্বৈ পুথোকপা ঙমগনি মীওইবা মশানা মশাবু হান্না খঙজদ্রবদা। মীওইবদা য়াওরিবা করাম চাওবা, নাপল, লৌনম নম্থাক, মশাগীতা খনবা অসিগুম্বা লায়না অসিনা মালেমসিদা লায়েংবদা ৱারবা খুদোংচাদবা কয়াগী হৌরকফম ওইদুনা লৈহল্লি। খোরিলোল শুরিবা লাইরিক ইরিবা অইবশিংনা অসিগুম্বা মীওইবগী পূকনিং ৱাখল থম্মোয়দা লৈরিবা অনাবা মখলশিং অসিবু খোরিলোলগী খুত্থাংদা খরদং ওইরবসু শেমদোক চূমথোকপা য়াগদ্রা হায়না হোৎনরি লেপ্তনা। অইবা নিংঙোম্বম রবিচন্দ্রগী শৈরেং ৫২গী খোমজিনবা লাইরিক ‘অপিকপা খোঞ্জেল অমা’ হায়রিবা অসিদা মহৌশা মালেম অসিবু মীওইবনা মতম খুদিং এক্সপ্লোইট তৌরিবা। মশাগী কান্নবতা য়েংদুনা লৈরিবা মহৌশাগী খোনি কয়াবু কা হেন্না শিজিন্নথোকলিবা অসিদগী খরদং ওইরবসু কঞ্জনিংবা পুকনিং ইহুলশিং ফোংদোকলি। খুনাই অসিদা ওইরিবা হুরান চিন্থি তৌবনা অচুম্বা শকলিবা য়াইতোং ফম্থোল কারিবা অসিগুম্বশিংবুসু ৱাহৈ খরনা লোয়না ফোংদোকনবা হোৎনবা থেংনৈ। মনিপুরী খুনাইগী হৌজিক হৌজীক থেংনরিবা ইসু কয়াদা য়ুম্ফম ওইবা অদুগা পাম্বৈ থিবদা ৱারিবা প্রোব্লেম কয়াগীসু পুথোকতুনা নৈনবা ইবা শৈরেংশিং য়াওরি।
নিংঙোম্বম রবিচন্দ্র সিংহ ১৯৮৬কি ফেব্রুৱারি ২৫দা ফোইজীং অৱাং লৈকাই, ইম্ফাল ৱেস্তা তাইবঙ খোঙদারকখি। হৌজীক হৌজীক মনিপুর লেজিসলেটিভ এসেমব্লি সেক্রেটরিয়েটতা দপ্যুটি দাইরেক্তর ওইনা থৌ পুরি। স্কুল তমলিঙৈ মতমদগী হৌনা শৈরেং কয়া ইদুনা লাকখি। মনিপুর য়ুনিভর্সিতিদগী ইংলিস লিটরেচরদা এম এ লোইশিনখি। মহাক সাহিত্য থৌপাং লূপ, ইম্ফালগী ফাউন্দর মেম্বরনি। শকনাইরবা অইবা শরতচান্দ থিয়ামগী লমজিং লমতাক তৌদুনা মনিপুরী খোরিলোলগী থবক থৌরম কয়াদা থৱায় য়াওনা চেন চোংদুনা লাক্লি। লূপ অসিগী সেক্রেটরি, প্রসিদেন্ট অসিনচিংবা থৌ কয়াসু পুদুনা লাক্লি। শকলোন হায়না মিংথোনবা ইন্তরনেসনেল মনিপুর চেফোঙ অসিগীসু এদিটর ওইনা থবক তৌরকখি। প্রকৃতি ফাউন্দেসন চেন্নাইনা শিনবা থৌরমদা মহাক্কী শৈরেং খুদোল তমখ্রে। অমসুং নোর্থ ইষ্ট ৱাইতর্স ফোরম্না শিনবা থৌরমদসু শরুক য়ারুরে। বংলাদেশতসু লৈবাক অসিনা চহী ৪০ শুরকপগী থৌরমদা বাংলাদেশ মনিপুরী সাহিত্য সংসদনা চেবাউ পীরক্তুনা ২০১৫দা চাওরবা থৌরম অমসু শরুক য়ারুরে। মহাক ইন্দিয়ান ত্রান্সলেটর্স এসোসিএসনগীসু মেম্বর ওইদুনা ত্রান্সলেসনগী লমদা থবক কয়া তৌরিবা অইবনি।
তলা পামেলশিংগা, উমং ৱামংগা তাইবঙ মীওইবগা লৈনরিবা তৎনা থানবা য়াদ্রবা মরিসি ঙসিদি মীওইবনা চাওখৎপগী মিংদা পুম্নমক মাংহন তাকহনবদা হেন্না পুকনিং চংবা থেংনরক্লি। মশাগীতা ওইবা ৱাখলদা হেন্না লুপশিল্লবা মীওইবা হায়বা কাংলুপ অসিনা ঙসিদি মালেমসিদা মহৌশাগী খল অসি শাথিনা কায়হল্লে। মতম অমা লৈরম্মী ঊপালশিংবু নুংশিনা খল্লম্বা। মহৌশা অকোয়বদা লৈরিবা অচৎ চত্তা পুম্নমক চপ মান্নবা মীৎয়েংদা নুংশিনা য়েংলম্মী মতম অমদা। অদুনা উপাল অমা তাইবঙগী হীংনবা য়ুম কৈ শাবদা শিজিন্নরবসু উপাল অদুদা হান্না হায়জদুনা নুমিৎ অমা থারগা য়াল্লম্মি। অদুবু ঙসিদি হায়রিবা চৎনরোল থাজনবী পুম্নমক তুংওইনদুনা তৌনিং তৌনিংবা তৌনরি মীওইবনা। অসিগুম্বা মতম অসিদা অইবা রবিচন্দ্রদি উশিন্নদনা লৈথোকপা ঙমজদে। মহাক খঙই উমংশিংনা মীওইবদা করি করম্বা খুদোল তম্লিবগে হায়বা। অদুবু ঐখোয় মীওইবনা কা হেন্না উমংবু কোকথোকপা অসিদা ৱাখল খলহন্নিংই। উজাউ উপালশিংদা থিম ওইবা অতৈ শৈরেংসু লাইরিক অসিদা য়াওরি। হায়নিংলিবা অমদি পাউজেলনিংলিবদি উমংগী অমদি মহৌশাগী মপাল নাইদ্রবা খুদোল অসি মীওইবনা ভেল্যু লৈনা শিজিন্নবা পাম্লি। উপাল কয়া য়াল্লবসু লেপ্তনা উপাল কয়া থাজিনবা পাম্লি। মীওইবা হায়বসি মহৌশা খূৎশেমগী শরুক অমনি হায়বসু নীংশিংদুনা লৈহন্নিংলি কবিনা।
উজাউ
“অমা য়াল্লে নুংঙাইতে,/ অনী য়াল্লে করিনোনে! তু চুংঙে,/ থায়নদি খুরুমজরগা য়াল্লম্মী হায়,/ মাঙদা তাদুনা লৈ,/ ঊজাঊ উকক মরোল মরোল/ নুংতিগী উই, অদুম উই/ দরকারগীনি, মরূওইবনি,/ শিংগীদমক উপাক্কীদমক,/ থিংবসু ঙমদে, হায়বসু ঙমদে…” (লাঃ ৭)
চীংলৈবাক মনিপুরগী নুংশিরবা ৱারী কয়া লীরি মালেমগী মীয়াম্না। মহৌশা খূৎশেমগী ফজবা। কাংলুপ ফুরুপ কয়ানা নুংশিনা খুন্দুনা লৈরিবা লমদম অসিদা হৌখিবা চহী কুন্থ্রা নিফুসিদা লাক্লিবা খুৎলাই পায়বা মশেলগী মুকনবা। মসিদা মীচাম মীয়াম্না নে তানা হিংবা ঙমদবা মতম। শাশিন্নবা কাপ্নবা অমদি মরাল লৈতনা খাংঙুথক্তা পুন্সি লোমখ্রবা মীওইশিংগী ৱারী। লোয়বা নাইদ্রবা লৈঙাক্কী তৌশিন্নবা লৌনম নম্থাক্কী ৱায়েল পুম্নমকনা খঙই। ফোংনা হায়বা ঙমদে লমদমসিদা। মরমদি অকনবনা অচুম্বা ওইরি। মীচং শংগা লৈতবনা ভিক্তিম ওইরি। অসিগুম্বা তংদু লৈতাদ্রবা মতমসিদা থোকলকপা কবি অমা ওইরুবনা রবিচন্দ্রসু ইদবা ঙমদে মমালৈবাক্কীদমক। অদুনা হায়রকলি মহাক্কী অৱাংবা থাক্কী ৱায়েল“এক্সত্রা জুদিসিএল কিলিং/ ফাকাপ্তা, পোইন্ত ব্লেঙ্ক রেঞ্জদা,/ য়াম্লে, মশীং ফনা য়াম্না,/…মীহুৎ থারক্লে,/ অচুম্বা ঙাংগনু কিহনখরে,/ ‘কাপলেমখাক’শিং কঙাওনরি,/ অরুবা তানফমনি, ইচাশিংদি? হুম ঐদি শিবা য়াদ্রি।” (লাঃ ৯) শেৎ- খায়নবগী ঈশৈ মরক্তা, অৱাবা পুন্সিগী পোৎলূম মরক্তা ঐখোয় হিংদবদি য়াদে। অসিগুম্বা চত্থরিবা লৈঙাক্কী মীয়ামগী হায়বা লীলা মরক্তা ৱাহং কয়াদি মহাক্কি শৈরেং হংলি।
লোয়শিনবা নাইদ্রবা লৈবাক ঈরাং কয়া থোকখ্রে। লোয়বা নাইদ্রিবা কয়াসু ঙসি ঙসিমক লৈরি। মশাগী কান্নবা ওইজবা ফংগনি হায়রবদি ইমা লৈবাক্কি লুরবা ৱাফম ফাওবা তুংওইনদুনা ফম্নাই থৌগলদা লৈবাক য়োন্থোকপা নেতা শাবা কয়াসু লৈতবা নত্তে মনিপুর। কবিনা উরিবা য়েংলিবা মনিপুরগী হৌজিক হৌজিক ওইরিবা লৈঙাক্কি শক্তমসি য়ান্নখরে হায়না মিংথোল ওইরিবা শৈরেং অসিদা চংখোননা মমি তারি। ৱাহৈদি য়ামদে অদুবু ফোংদোক্লিবা পরেংশিং অসিদি য়াম্না শাফু লৈ। ময়োল লম্না করি খল্লিবা, পিক্লবা লমদম অসিনা করি করম্না লৈঙাক্লিবা। মীচম মীয়াম্না লোয়না খঙই। মীখল অমা লাক্লগা অমুক লোইখিনি। তৌইগুম্বসু মমা লৈবাক নুংশিবা য়ামমনখিবনা ঙসি ওইহল্লিবা পোকনফম ইমাগী শক্তম অসিদি ৱাদবা ঙমদে অইবনা। অদুননি হায়রকলিবা “পায়রে কায়রে থুগায়রে,/ খৎনরে চৈনরে য়ৈনরে,/ শাউনরে নুংশিনদ্রে হাৎনরে,/ শিরে মাঙজরে লোইদৌরে,/ ঈহৌ শাগৎখ্রে, ঈহৌ নেমখ্রে,/…খুরুমখ্রে হায়জখ্রে হিংখরে থাদোকখরে/ থেমখ্রে লৈখরে তুমীন্না,/ হৌরকখ্রে য়ৌরকখরে লাকখরে অমুক/ থেমখরে য়ান্নখ্রে অমুক্কসু। (লাঃ ১৮)
মনিপুরী খুনাইদা লৈরিবা চৎনবী থাজনবী কয়া অমনা ঐখোয়গী শক্তম্বু ঙাক শেন্দুনা চহীচা কয়া পাথাং পুথাং লান্না শম্নহন্দুনা লাক্লি। ফজরবা নুংশিরবা চৎনবী কয়ানা তোপ তোপ্পা কলচরগী মশক অমসু ওইরি। অদুবু চৎনবী থাজনবী খরদি করিগুম্বদা কে হেন্না খুনাইলোন্দা কান্নদবা ওইহনবসু য়াওদবা নত্তে। অসিগুম্বা চৎনবী থাজনবী খরদি হোংদোকপা পাম্লি কবিনা। অচুম্বসুনি নুপী নুপা হায়বা থমদনা মান্নবা খুনাই অমা শেমগৎপদা অমদি চাওখৎ লম্বেলদা চৎনবা হোৎনবদা ঐখোয়গী লান্না থাজনবী খরদি করিগুম্বদা খুরৌ থাংবা লৈতবা নত্তে। অসিগুম্বা কয়াসি লাইরিক লাইশু হৈরবা মতমসিদদি খরদং হোংদোকপা পাম্লি ঙসিগী মীরোলনা। অসিগুম্বা থিম অমদা ইরকপা শৈরেংনি স্বাইগী ইমা ইবেন। তশেংনা মনিপুরী খুনাই অসি হনগৎনা য়েংলুরবদি ইমা ইবেনশিংনা কদায় ফাওবা লৈবাক্কিদম কত্থোক্তুনা লাকখিবা হায়বদু পুম্নমক খঙই। নীংশিংলি ‘নুপী লাল’। করম্নদি কাওগনি থৌনা লিংজেল লৈরবী ইমাশিং, ইচন ইচেশিংগী থৌদাং। অদুবু নুপা খুল্লিং খুনাই অমা ওইরুবনা নুপীশিংনা য়ুমগী কূম্নোমদা অমদি হীরম কয়াদা থেংনরিবা খুদোংচাদবা কয়া অসিদি লাইরিক লাইশু হৈরবা ঙসিগী মীরোলনা খরদি শেমদোক চুম্থোকপা মতম ওইরে হায়না পাউজেল পীনিংলি। শৈরেং অসিনা য়েক্লিবসু ৱাখল খনহল্লি, “ঐখোয় ইপু ইবেনগী মতমদৈ/ ইপুগী লুখাক চগুম ইবেননা/ ইমানা ইচেনা ইচননা নেনেনা/ অদুম খুনগৎলি অদুম ফেংই!…ইপুনা চাবা ইবোকনা চায় ইবোকনা চাবা ইপুনা চাবা য়াদে/ ইপুনা থকপা ইবোকনা থকই/ ইবোকনা থকপা ইপুনা থকপা য়াদে…ফি শুই তোয়না তোয়না/ শুমাঙগী পোলাংখোক্তা,/ ইমাগী নুপীগী ইচনগী ইচেগী নেনেগী/ ফনেক ফৌবা য়াদে ইপুনা/ নুপীগী ফনেক কনামতনা লৌশিনদে/ ইকায়হল্লি অথিংবা থম্মী অকোয়বদা/ নুপাগী খুদৈ খোংগ্রাও ফি–রোল লোইনা নুপী ময়াম্না শেন্নরি চেৎনা…”
কবি নিংঙোম্বম রবিচন্দ্র শৈরেং কয়া লেপ্তনা ইদুনা অমদি ত্রান্সলেসনগী লমদা থবক কয়া তৌরকখিগনি হায়না চেৎনা থাজবা থমজরি। মথংগী শৈরেং লাইরিক অমসু ফোংলক্তুনা মনিপুরী শৈরেংগী পূক্কৈদা চাওনা খুদোল তমলকপা ওইসনু।
0 কমেন্ট:
কমেন্ট তৌবিয়ু