আগরতলাদা সিজা হাসপাতাল ব্রাঞ্চ মুখ্যমন্ত্রীনা উরেপ উয়ুং তমখ্রে
আগরতলা, নভেম্বর ০৬ : সিজা হাসপাতাল লিংখৎপদা ত্রিপুরাদা নত্তনা অৱাং নোংপোক্কী অচৌবা কান্নবা ওইগনি। মাল্টি স্পেশিলিষ্ট হোসপিতাল অসিনা মপান্দা চৎনা লায়েংবগী দরকার লৈররোই হায়না মুখ্যমন্ত্রী প্রোঃ (ড.) মানিক সাহানা হায়খ্রে।
আগরতলাদা মুখ্যমন্ত্রীনা সিজাগী নিউ মাল্টি স্পেশিয়েলিটি হোসপিতালগী উরেপ উয়ুং তম্বা।
ঙরাং নভেম্বর তাং ৫, য়ুমশাকৈসা নুমিৎ আগরতলা শহরদগী নোংপোক পাংনা কিঃমিঃ ৯ রোম লাপ্পা খয়েরপুর আরকে নগর (কলেজ অব ভেটেনারী সাইন্স মনাক) দা পাক চাওরবা লম একর ২৮ কোল্লগা শাগদৌরিবা মাল্টি স্পেশিয়েলিটি হাসপাতাল অসি মুখ্যমন্ত্রী ড. মানিক সাহানা থৌরম অমদা উরেপ উয়ুং তমখ্রে। থৌরমদা খয়েরপুরগী এম.এল.এ রতন চক্রবর্তী, লৈঙাক্কী হকশেল লোয়শঙগী সেক্রেটারী কিরণ গিত্তে অমসুং সিজা হাসপাতালস এ্যন্ড রিছার্স ইন্সটিট্যুট প্রাঃলিঃ মণিপুরগী চেয়ারম্যান অমদি ম্যানেজিং ডিরেক্টরসু ওইরিবা ডাঃ পালিন খুন্দোংবম শরুক য়াখি। থৌরম অদু সিজা হাসপাতালস গী ডিরেক্টর ডাঃ যোগিন্দ্র সোরোখাইবমনা ওক্না ৱারোল অদুগা নেফ্রোলোজিষ্ট ডাঃ গালিভর পোৎসম্বমনা থাগৎ ৱাহৈ থমখি।
পনবা য়াবদি সিজা হাসপাতাল গী খু্ত্থাংদা ত্রিপুরাদা হৌজিক ফাওবা কিডনি ৫ মায় পাক্না ট্রান্সপ্লেন্টেশন তৌখ্রে। মদুদা মৈতৈ মচা ৱাই প্রবীনবু থৌরমদা উবদা ডাঃ পালিন খুন্দোংবম্না মহাক্কী স্পীচতা হরাওবা ফোঙদোকখি। উরেপ উয়ুং তম্বগী থৌরমদা ময়াম অমসুং মৈতৈ খুঙ্গং কয়াদগী শরুক য়াবগী দমক্তসু হরাওবা ফোঙদোকখি।
সোর্স : মরূপ
0 কমেন্ট:
কমেন্ট তৌবিয়ু