চহী অমা চুপ্না স্নাখ্যাগী বার্থ সেন্টেনারী আগরতলাদা লোইশিনবগী থৌরম
আগরতলা, আগষ্ট ০২ : মণিপুর, আসাম, ত্রিপুরা অমসুং বাংলাদেশ তা তোঙান তোঙানবা লুপ সংস্থা কয়ানা চহী অমা চুপ্না মখল কয়াগী থৌরমগা য়াওনা পাঙথোক্তুনা লাক্লিবা লৈখিদ্রবা সমাজ সেবক রাজকুমার কমলজিৎ সিংহগী বার্থ সেন্টেনারী লোইশিনবগী থৌরম আগস্ট তাং ৮ ইরাই নুমিৎ নুংথিল পুং ৪:৩০ তাবা মতম আগরতলা প্রেস ক্লাবতা পাঙথোক্কদৌরি।
মণিপুরী সাহিত্য পরিষদ, ত্রিপুরা অমসুং মরূপ পাউচে অনীনা খুৎশম্নদুনা শীন্দুনা পাঙথোক্কদবা থৌরম অসি ইস্কোন মণিপুর ডেভেলপমেন্ট কাউন্সিলগী জেনারেল সেক্রেটারী দুসরী গোপালনা মৈরা চুখত্তুনা হৌদোকপীগনি। সাহিত্য পরিষদকী প্রেসিডেন্ট এল বীরমঙ্গলনা থৌরম মপু ওইরগা সাহিত্য একাডেমি এৱার্ডি মণিপুরগী শক্নাইরবা অইবা শরতচান্দ থিয়ামনা থৌরমগী চীফ গেস্ট ওইগনি। অদুগা মরূপ পাউচেগী ফোর্মর ইডিটর আরকে কল্যাণজিৎ সিংহ অমসুং মণিপুরী সাহিত্য পরিষদকী এডভাইজর ৱাংখেম বীরমঙ্গলনা থৌরমগী গেষ্ট ওব অনার ওইগনি।
পরিষদকী জেনারেল সেক্রেটারী থৌদাম নীলকুমারনা ওক্না-ৱারোল পীগনি। স্নাখ্যা রাজকুমার কমলজিৎ সিংহবু শৈথাবা শৈরেং পাবগী থৌরমদা কবি ১৭ শরুক য়াগনি হায়রি।
সোর্স: মরূপ
0 কমেন্ট:
কমেন্ট তৌবিয়ু