হিজম অঙাংহলগী ১৩৩ শুবা বার্থ এন্নিভর্সরিগা মরী লৈননা অঙাংহল দে পাঙথোকখ্রে
ইম্ফাল, জুলাই ২৮ : সাহিত্য থৌপাঙ লুপ, ত্রেবল্লর্স ফোরাম মণিপুর অমসুং লুক্রাম লৈরক য়ুথ ক্লব অহুম পূন্না খূৎশম্নদুনা ঙসি মহা-কবি হিজম অঙাংহলগী ১৩৩ শুবা বার্থ এন্নিভর্সরিগা মরী লৈননা ‘অঙাংহল দে’ পাঙথোকখ্রে।
সগোলবন্দ লুক্রাম লৈরক, এফ সি আই রোদতা লৈবা লুক্রাম লৈরক য়ুথ ক্লবকী বিল্ডিংদা পাঙথোকোখিবা থৌরম অদুদা ত্রেবেল্লর্স ফোরাম মণিপুরগী চেয়ারম্যান আর কে বুধিমন্ত, সাহিত্য থৌপাঙ লূপকী প্রেসিডেদন্ত তোংব্রম অমরজিৎ, হায় কোর্ত ওব মণিপুরগী এদভোকেত ওইনা চিত্তরঞ্জন, আর্ত সোসাইতি মণিপুরগী হান্নগী সেক্রেতরি বি বিশম্ভোর শর্ম্মা অমসুং হায় কোর্ত ওব মণিপুরগী এসিস্তেন্ত রেজিস্ত্রার সোরোখাইবম দেবেন্দ্রনা মরু ওইবা মীথুঙশিং ওইনা শরুক য়াখি।
থৌরম অদুগা মরী লৈননা সরতচান্দ থিয়ামনা হায়, লৈখিদ্রবা লৈবাক অসিগী মশক নাইবা লিতরেচর, এদুকেসনিস্ত সুনিতি কুমার চেত্তর্জিনা মহা-কবি হিজম অঙাং হলবু অৱাংবা থাক্তা শীংথারমখি। মণিপুরী খোরিরোলগী পুক্কৈদা মমল য়াম্বা লনগৈ ওইনা লৈরিবা হিজম অঙাংহলগী ৱাহৈ পরেং ৩৯,০০০ গী শৈরেং ‘খম্বা-থোইবী’ থেংনরুবদা চেত্তর্জিনা ‘হি ইজ এ গ্রেত মণিপুরী রাইতর’ হায়না ফোঙদোক্লমখি।
মণিপুরী খোরিরোলনা ইনাক খুল্লিবা অসি মরু ওইনা এন্সিয়েন্ত লিতরেচরদনি। মসিদা মহাকবি হিজম অঙাংহলগী অচৌবা খুদোল য়াওরি। মণিপুরী মোদর্ন লিতরেচরনা থাক অসি য়ৌনা লৈবা ঙম্লিবা অসি মহা-কবি হিজম অঙাংহল য়াওনা লময়ানবা অইবশিং অদুনা য়ূম্ফম থোল্লম্বনি। ঐখোয়না মহা-কবি অসিনা মণিপুরী খোরিরোলদা থম্লম্বা খুদোলবু অকাও-পরৈ চলহনখিবা চুমদে। মসিগী ৱাখল্লোন অসিদা য়ূম্ফম ওইদুনা মহা-কবি অসিগী পোকপা নুমিৎ অসিবু ‘অঙাং হল দে’ হায়দুনা চহী খুদীংগী পাঙথোক্তুনা লাকখিবনি হায়নসু ফোঙদোকখি।
ঙসিগী থৌরম অদুগী মনুং চন্না লৈখিদ্রবা মহা-কবি হিজম অঙাংহলগী ফোটোদা শরুক য়াখিবশিংনা হৈকৎ-লৈকৎ তমদুনা মহাকপু ইকায় খুম্নখি। থৌরমগী অখন্নবা শরুক অমা ওইনা ‘অঙাংহলগী শৈরেংদা মীৎয়েং অমা’ হায়বা অসিদা দাঃ নিংঙোম্বম নন্দো সিংহনা লেকচর পীখি। লোয়ননা মহা-কবি অসিনা ইরম্বা শৈরেং অমদি মশা-মশানা ইবা শৈরেংশিং পাথোক্তুনা চাংদম্নবসু পাঙথোকখি।
সোর্স: পোক্নফম
0 কমেন্ট:
কমেন্ট তৌবিয়ু