বামসাসকী থৌরমদা এল বীরমঙ্গলদা লাইফটাইম এচিভমেন্ট এৱার্ড ২০২৪
আগরতলা, আগষ্ট ০২ : বাংলাদেশ মণিপুরী সাহিত্য সংসদ (বামসাস)গী চহী ৫০ শুবা মপোক কুমওন সনা ফুদোংবা থৌরম অসি চৎলিবা চহি অসিগী মে থা-দগী হৌখ্রে। অনীশুবা তাঙ্কক জুলাই ২৫, সিলেটকী সারোদা হোলদা পাঙথোকখ্রে।
থৌরম অদুদা আগরতলাদগী মণিপুরী সাহিত্য পরিষদ প্রেসিডেন্ট এল বীরমঙ্গলদা ‘নীলিমা সিনহা মেমোরিয়েল এৱার্ড ২০২৪’ পীদুনা ইকাইখুম্নখ্রে। চহী ২/২ কাল্লগা নীলিমা এস. সি সিনহা ট্রাষ্ট না বাংলাদেশকী ৱাংমদা অইবদা পীবা লাইফটাইম এচিভমেন্ট এৱার্ড ফংবসি মহাক্না মরি শুবনি। মসিগী মমাংদা মণিপুরগী অইবা শরতচান্দ থিয়াম, নোংমাইথেম তোম্বী অমসুং ক্ষেত্রি বীর ফংখ্রে।
বামসাসকী সনা ফুদোংবা থৌরমদা মণিপুরী লিটরেরী সোসাইটি আসামগী প্রেসিডেন্ট এল মংলেম্বাসু শরুক য়াখি। থৌরমগা মরী লৈননা কবি সম্মেলনদা ত্রিপুরাদগী কবি এল মীনা অমসুং কাছাড়দগী ড. চোংথাম কমলা দেবী য়াওনা বাংলাদেশকী অইবা অইবী কয়া শুরুক য়াখি হায়রি।
সোর্স: মরূপ
0 কমেন্ট:
কমেন্ট তৌবিয়ু