বাংলাদেশতা গৌড়াঙ্গ লীলা উৎনবগীদমক ইম্ফাল থাদোক্লগনি
ইম্ফাল, সেপ্টেম্বর ২৪: চৎলিবা থা অসিগী ২৭ তগী ২৯ ফাওবা বাংলাদেশকী সিলেটতা পাঙথোক্কদৌরিবা রাজর্শ্রী ভাগ্যচন্দ্রগী ২২৪ শুবা ডেথ এনিভার্সারি থৌরমদা গৌড়াঙ্গ লীলা (গৌড় লীলা) উৎলুনবগীদমক মোংশাংঙ্গৈদা লৈবা দা ট্রেডিশনেল ফোক এন্দ কালচারেল রিসার্চ সেন্টারগী টিম অমা হয়েং ইম্ফাল থাদোক্লগনি হায়না সেন্টার অসিগী ওফিসতা পাউমীশিংগা উনবা মীফম অমদা সেন্টার অসিগী প্রেসিদেন্টসু ওইরিবা জে এন মণিপুর দান্স একাদেমীগী পুঙগী ওজা মৈহৌবম সৈত্যবাননা ফোঙদোকখ্রে।
পাউগী মীফফম অদুদা মহাক্না মখা তারদুনা হায়খি, হৌখিবা চহী ৪০০ গী মমাঙদগী ওজা-গুরুশিংনা শেমদুনা থম্লম্বা গৌড় লীলা অসি নুপী-অঙাং অমদি ইমুং অমদা চৎকদবা চৎন-কাঙলোনশিং য়াওবা দিসিপ্লিন লৈবা আর্ট ফোর্ম অমনি। অদুবু মতমগী মতুংইন্না আর্ট ফোর্ম অসি অহোংবা কয়া লাক্তুনা মুৎখিগদ্রা হায়বগী মীপায়বা পোক্লবা আর্ট ফোর্ম অসিবু ঐখোয় পুন্না য়োকখৎমিন্নদবা য়াদে হায়বগী পান্দমদা সেন্টার অসিনা ইনখৎলক্লিবা নহা অমদি তুংগী মীরোলদা অমসুং আর্টিষ্টশিংদা সেন্টার অসিনা তাকপী তম্বীবগী থবক চত্থরকপনি।
আর্টিষ্টশিংগী পার্ফোর্মেন্সতা অপেনবা পোক্তুনা রাজর্শ্রী ভাগ্যচন্দ্র কালচারেল ফাউন্দেসন অমিদি একাদেমী ফোর মণিপুরী কালচার এন্দ আর্টস সিলেট বাংলাদেশনা খুদোংচাবা অসি পীবীবগীদমকা থাগৎলি হায়নসু ফোঙদোকখি। পাউগী মীফম অদুদা খোঙচৎ অদুবু লুচিগদৌরিবী গোতিময়ুম লতা সনানসু চৎকদৌরিবা খোঙচৎ অদুগী মতাংদা ৱাফম কয়া ফোঙদোকখি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু