আপডেট:
image

মীতৈ ময়েক চৎনহনবগী মতাংদা আসাম এডুকেশন মিনিষ্টার উন্নখ্রে

শিলচর, সেপ্টেম্বর ২৩ : মণিপুরদা মীতৈ ময়েক্না এম.এ ফাওবা তম্লবা মতম অসিদা আসামদা বাংলা ময়েক্না মহৈ তমদুনা লৈরিবসি অচুম্বা খোঙথাং ওইরকত্রে। মীতৈ ময়েক অসি খঙদবা অমসুং তমদবা য়াদ্রবা মহৈ মশিংগী কায়াৎ অমনি।
আসামদা
ময়েক অসিবু তম্বদা সরকারগী অয়াবা লৌবা অমসুং খনাইগী মীয়াম্না পাম্নহন্নবগী দমক মায়রোং য়ানা থবক তৌরিবা মণিপুরী লেঙ্গুয়েজ প্রোটেকশন কো-অর্ডিনেটিং কমিটি (এম.এল.পি.সি) গা লোয়ননা অতৈ অতোপ্পা লুপ খরগী থৌপুবশিং অমসুং আমসুগী লুচিংবশিং য়াওনা হৌখিবা সেপ্টেম্বর তাং ১৫ দা আসামগী এডুকেশন মিনিষ্টার রনোজ পেগুগা হনথেংননা ডিসপুরদা পুং অমরোম চুপ্না ফম্মিন্নদুনা ৱারী শান্নখিবগা লোয়ননা মেমোরেন্ডাম অমসু পীশিনখি।

আসামদা মীতৈ ময়েক চৎহনবা, হৌজিক ওইরিবা অমসুং তুংদা ওইরক্কদবা মহৈশঙগী ফিভম নচিংবগী মরমদা কুপ্না নৈনদুনা ৱারী শান্নখি। স্কুল এমালগেমেশন থৌওংগী মতাংদসু ৱারী শান্নখি। আমসু মাইকৈদগী হিরিমসিদা তোঙান্না মেমোরেন্ডাম অমসু পীশিনখি। লক্ষিপুরগী এম.এল.এ কৌশিক রাই য়াওনা ফমখিবা মীফম অদুদা এম.এল. পি.পি.সি.সি ভাইস প্রেসিডেন্ট অরাম্বম নন্দবাবু, জেনারেল সেক্রেটারী অশাংবা স্বপন, আমসুগী প্রেসিডেন্ট ঙাশেপ্পম সনাহল, জেনারেল সেক্রেটারী কাব্রবম বিক্রমজিৎ অমসুং অতৈ থৌলুপ কয়াগী থৌপুবশিংসু য়াওরি।

সোর্স: মরূপ  

0 কমেন্ট:

কমেন্ট তৌবিয়ু

আপনার ইমেইল ঠিকানা প্রচার করা হবে না. প্রয়োজনীয় ক্ষেত্রগুলি চিহ্নিত করা আছে *

পাউ অতৈসু