অনৌবা এডুকেশন পোলিসি চাওখৎলবদি তুংগী মীরোলশিংসু চাওখৎলক্কনি- আর কে রঞ্জন
আগরতলা, দিসেম্বর ১০: লৈবাক্কী এডুকেশন পোলিসি চাওখৎলবদি তুংগী মীরোলশিংসু অদুম চাওখৎলক্কদবনি। কেন্দ্রগী অনৌবা এডুকেশন পোলিসিগী মরু ওইবা পান্দম অদুদি শিক্ষাগী পাক চাওরবা য়াইফনবা অসিনি। ৱাফম অসি ত্রিপুরাগী খোয়াই জিলা মনুং চনবা কল্যাণ পুরগী দ্বারিকাপুর হায়ার সেকেন্ডারীগী মথোন অনী নৌনা শাবা মহৈ শঙকাবগী থৌরম অদুদা কেন্দ্রগী এক্সটার্নেল এন্ড এডুকেশন ষ্টেট মিনিষ্টার ড. রাজকুমার রঞ্জননা ফোঙদোকখিবনি।
লুপা কোটি অমা হেন্না চংনা শাবা মহৈশঙ কাবগী থৌরম অদুদা মহাক্না মখাতানা হায়খি, লৈঙাক্না মতিকচানা ইনফাষ্ট্রাকচার য়াওনা শাবা খুঙ্গংগী স্কুল অসিনা লোকেল মহৈরোইশিংগী কান্নবা অমদি চাওখৎপা ওইরগনি। টেলেন্ট অঙাংশিং চাওখৎনবা লৈঙাক্না লেপ্পা লৈতনা থবক চত্থরিবনি হায়নসু কেন্দ্রগী মন্ত্রীনা ফোঙদোকখি।
শংকাবা থৌরমদুদা লোকেল এম.এল.এ পিনাকি দাস চৌধুরী রামচন্দ্র ঘাটকী এম.এল.এ প্রশান্ত দেববর্ম অদুগা খোয়াই জিলা ডি.এম ডিকে চাকমা অমসুং এলিমেন্টারী এডুকেশনগী জয়েন্ট ডিরেক্টর নচিংবা শক্নাইরবা মীওই কয়া অমসুং মহৈরোইশিং থৌরম অদুদা শরুক য়াখি।
সোর্স : মরূপ
0 কমেন্ট:
কমেন্ট তৌবিয়ু