হোজাইগী গোবিন্দপুরদা অমৱাভা ব্রাঞ্চ হাংদোকখ্রে
ইম্ফাল, দিসেম্বর ১১ : পোইরৈ লৈমরোল মৈরা পায়বী অপূনবা মণিপুরগী প্রেসিদেন্ট ইমা এল মেমচৌবী, ওল মণিপুর উইমেন্স ভলন্টারি এসোসিয়েসন (অমৱাভা) হেদ ক্বার্টারগী প্রেসিদেন্ট ৱাই কুঞ্জরানি, ওল মণিপুর য়ুনাইটেদ ক্লাব ওর্গানাইজেসন (অমুকো) গী জেনারেল সেক্রেটারি ডা. নোরেন্দ্র থোকচোম, ওল মণিপুর ষ্টুদেন্টস ফেদারেসন (এম এস এফ) কী প্রেসিদেন্ট এল শরত, মণিপুরী উইমেন্স এসোসিয়েসন ওফ আসাম হোজাইগী প্রেসিদেন্ট এম চাওবীহল অমদি পোইরৈ লৈমা নুপী লূপকী প্রেসিদেন্ট কে ঐচ কাবেরিনা ময়াই তাংবল লৌদুনা হোজাইগী গোবিন্দপুরদা লৈবা সেরাম নিংঙোল পিশকমচাগী য়ুমদা ঙসি হোজাই অমৱাভা ব্রাঞ্চ অমা হাংদোকপগা লোয়ননা খন্ন-নৈনবগী মীফম অমসু পাঙথোকখ্রে হায়না অমৱাভাগী জেনারেল সেক্রেটারি কে এস ঐচ সুজতানা থাদোরকপা চেরোল অমনা ফোঙদোরক্লি।
হোজাইগী গোবিন্দপুরদা হোজাই অমৱাভা ব্রাঞ্জ হাংদোকখিবা থৌরম অদুদা ব্রাঞ্চ অসিগী নৌনা থৌ পুগদবা মীওইশিংসু খনখি। হোজাই অমৱাভা ব্রাঞ্চকী খল্লবা থৌ পুগদবা মীওইশিং অদুদি প্রেসদেস্টতা গোবিন্দপুর হোজাইগী সালাম রত্ন, ভাইস প্রেসিদেন্টতা গোবিন্দপুর হোজাইগী লোইতাম বিনিতা, জেনারেল সেক্রেটারিদা লঙ্কা বালুহন্দরদগী এম কবিতা, ফাইনান্স সেক্রেটারি গোবিন্দপুর হোজাইদগী এস প্রেমিতা, পাব্লিসিটি সেক্রেটারিদা এল রিতু, ওর্গানাইজেসন সেক্রেটারিদা এন জি মিত্রা, এগজিক্যুটিভ মেম্বারদা এল অঞ্জেলিনা, এস রোমিতা, ঐচ বিদ্যা অমদি মেম্বারদনা এস লতা, জগৎসিনি, এন রঞ্জনানচিংবনি।
লোয়ননা হোজাই অমৱাভা ব্রাঞ্চকী এদভাইজর ওইনা লঙ্কাগী সী ঐচ ইন্দিরা অমদি কে হেমন্তিবু খনখি। আসামগী হোজাইগী মনুং চন্না লৈবা গোবিন্দপুরদা লৈবা সেরাম নিংঙোল পিশকমচাগী য়ুমদা পাঙথোকখিবা হোজাই অমৱাভা ব্রাঞ্চ নৌনা হাংদোকখিবা থৌরম অদুদা ময়াই তাংবলদা লেংশিনখিবা ইমাশিংনা আসামগী হোজাইদা অমৱাভাগী অনৌবা ব্রাঞ্চ অমা করিগীদমক্তা অমদি করম্বা পান্দমগীদমক হাংদোক্লিবনো হায়বগী মরুওইবা ৱাফম ফোঙদোক্নখি হায়রি।
সোর্স: হুইয়েন লানপাউ
0 কমেন্ট:
কমেন্ট তৌবিয়ু