'মণিপুরী সাহিত্যদা ট্রান্সলেশন' হীরমদা আগরতলাদা সিম্পোজিয়ম পাঙথোকখ্রে
আগরতলা, জানুয়ারী ২১: সাহিত্য একাডেমি, নিউ দিল্লীনা মণিপুরী সাহিত্য পরিষদ, ত্রিপুরাগা খুৎশম্নরগা 'মণিপুরী সাহিত্যদা ট্রান্সলেশন' হায়বা হীরমদা সিম্পোজিয়াম পাঙথোকখ্রে।। জানুৱারী তাং ১৯, কলাক্ষেত্র একাডেমি কনফারেন্স হোলদা হৌদোকপগী থৌরম অদু নিকোলগী ডিরেক্টর নির্মল দাসনা ওক্লা ৱারোল পীখি। সাহিত্য একাডেমি মণিপুরী এডভাইজরি বোর্ডকী কনভেনর রাজেন তোইজাম্বানা ৱাহৌদোক পীখিবা থৌরম অদুদা গেষ্ট অব অনার ওইনা সাহিত্য একাডেমি মণিপুরী বোর্ড মেম্বর কেএইচ বীরলা, এম.এস.পি.এ প্রেসিডেন্ট ড. ফুরিৎসাবম বীরমনি শরুক য়াখি। ত্রিপুরাগী সাহিত্য পরিষদগী প্রেসিডেন্ট এল বীরমঙ্গলনা থৌরম মপু ওইখি।
থৌরমগী অহানবা সেসন গী মতাং অমা
সেসন অনী থোক্না পাঙথোকখিবা থৌরমগী অহানবা সেসনদা ক্ষেত্রিময়ুম প্রেমচন্দ্রনা চেয়ার লৌরগা এম. এম আহম্মদ অমসুং এন নীরেন্দ্র সিংহ (এন ডি হোদাম্বা) অনীনা তোঙান তোঙানবা পেপার পাথোকখি। অদুগা নুংথিলগী অনীশুবা সেসন্দা এস খেলামোহন সেন না চেয়ার লৌরগা টিএইচ নীলকুমার অমসুং এল কুমার অনীনা পেপার পাথোকখি হায়রি। সেসন অনীমক্তা ভাবোকশিং কয়াদগী তোঙান তোঙানবা মীৎয়েংদা ট্রান্সলেশন হীরম কয়াদা ইন্টরেকশনসু তৌনখি হায়রি।
সোর্স - মরূপ
0 কমেন্ট:
কমেন্ট তৌবিয়ু