‘মণিপুরী এম. এল. এ অমগুম্না থবক তৌগনি’
সাহিত্য পরিষদকী মীফমদা মন্ত্রী কৌশিক
আগরতলা, ১১ এপ্রিল ২০২৫ : আসাম ইউনিভার্সিটিদা এম.এগী থাক্তা মণিপুরী সাবজেক্ট লৈ, ডিপার্টমেন্টসু লৈ। অদুবু লোল অসি মশাগী ময়েক্না ইবা খোৎপা য়াবগী থৌরাং লৈরমদে। মুখ্যমন্ত্রী হেমন্ত বিশ্ব শর্মানা মণিপুরী হায়বদি মীতৈ ময়েকপু শক খঙদুনা ময়েক অসিনা তম্বা য়াবগী থৌরাং নোটিফিকেশনসু য়াম্না থুনা থোক্লগনি হায়না মহাক্না থাজবা ফোঙদোকখি।
থৌরম অদুদা ধলাইগী এম. এল. এ নিহার রঞ্জন দাস, সাহিত্য পরিষদ ত্রিপুরাগী প্রেসিডেন্ট এল. বীরমঙ্গল, সাহিত্য পরিষদ মেঘালয়গী প্রেসিডেন্ট মুনিশ নিংথৌজম, পরিষদ অসিগী হান্নগী প্রেসিদেন্ট থিংগোম বেনুবাবু নচিংবা শরুক য়াখি।
নুমিৎ হুম্নি চুপ্না চত্থখিবা সাহিত্য পরিষদ আসামগী ৬২ শুবা মীফমলেন এপ্রিল তাং ৬ দা চীংলেম্না লোইশিনখ্রে। পরিষদকী থৌবু লৈখিদ্রবশিংগী মফমদ শ্রদ্ধাঞ্জলি, লাইরিক মেলা, মনা মথুম লান্থোকপা, কবি সম্মেলন নচিংবা অমসুং জেনারেল এসেমব্লি পাঙথোকখিবগা লোয়ননা মমাঙগী থৌশিল্লুপ ডিজোল্ব তৌদুনা অনৌবা সি.ই.সিগী থৌশিল কাঙলুপ শেম্বগা লোয়ননা অরোইবা নুমিৎতা নেশনেল সেমিনার অমসু চীংলেম্না পাঙথোকখি।
সেমিনার অদুদা ত্রিপুরাদগী ৱাংখেম বীরমঙ্গলসু সেমিনার পেপার পাথোকখি। অফোঙবা মীফমদা সাহিত্য পরিষদগী অনৌবা প্রেসিডেন্ট ড. ফুরিৎসাবম বীরমনিবু অরিবা প্রেসিডেন্ট ঙাঙোম জয়কুমারনা ইকাইখুম্নবগা লোয়ননা প্রেসিডেন্ট ফম শিন্নখি। লোয়ননা পরিষদকী নীংশিং চেফোঙগী মায়খুম হাংদোকপীখি। মথল মথেল মাল্টি কালচরেল প্রোগ্রাম য়াওনা মীফমলেন অদু লোইশিনখি।
সোর্স: মরূপ
0 কমেন্ট:
কমেন্ট তৌবিয়ু