প্রোফেসার বীরকুমারনা ইবা ‘কুম পুবী লৈরাং কোম্বীরৈ’ ফোঙখ্রে
ইম্ফাল, এপ্রিল ১৩ : সি এস আই আর নোর্থ ইস্ত ইন্সতিত্যুত ওব সাইন্স এন্দ টেক্নোলোজি গী চীফ সাইন্তিস্ত প্রোফেসার ঐচ বীরকুমার সিংহনা ইবা ‘কুম পুবী লৈরাং কোম্বীরৈ’ হায়না মিংথোনবা লাইরিক অমা ঙসি ফোঙখ্রে।
এইমস (অপূনবা ইমাগী মচাশিং), মণিপুর অমসুং সি এস আই আর-নোর্থ ইস্ত ইন্সতিত্যুত ওব সাইন্স এন্দ তেক্নোলোজি ব্রাঞ্চ লেবোরেতরি অনী পূন্না খূৎশম্নরগা লম্ফেলপাৎতা লৈবা ইন্সতিত্যুত অসিদা পাঙথোকখিবা লাইরিক ফোঙবগী থৌরম অদুদা এইমস, মণিপুরগী প্রেসিদেন্ত ময়াংলম্বম খেলেন্দ্রো সিংহনা থৌরম মপু, হান্নগী মিনিস্ত্রি ওব এক্সতর্নেল এফেয়ার্স এন্দ এদুকেসনগী মিনিস্তর ওব স্তেত দাঃ রাজকুমার রঞ্জন সিঙহনা অথোয়বা মীথুঙলেন অমসুং ককচীং এ সিগী হান্নগী এম এল এ য়েংখোম সুরচন্দ্র সিংহ, হেলথ সার্বিসেস মণিপুরগী হান্নগী এদিসনেল দিরেক্তর এস মনিকান্ত সিংহ অমসুং জেনিমসকী এসোসিয়েত প্রোফেসার দাঃ এন কুমারজিৎ সিংহনা অখন্নবা লেঙবিরকপশিং ওইনা শরুক য়াখি।
থৌরম অদুদা লাইরিক অসিগী অইবা দাঃ ঐচ বীরকুমার সিংহনা হায়, অকক্নবা মফম খরদংদা হৌবা পাম্বী (এন্দেমিক প্লান্ত) মখল কয়া মণিপুরদা হৌরি। মসিগী মনুংদা শিরোই লিলি অমদি কোম্বীরৈ অসি পনবা য়াই। বোতানিকেল নেমদা আইরিস লেভিগাতা হায়রগা খঙনবা কোম্বীরৈ হায়রিবা লৈ মখল অসি লমদম অসিগী পুৱারীগা শাগোন্নবা লৈ অমনি। লৈ অসি শজিবু চৈরাওবদা য়াওদবা য়াদবা লৈনি।
মণিপুরগী চীংগী মফমশিংদা আইরিক স্পেসিস মখল ৩ ফংই। অদুবু তম্পাক্তা ফংলিবা কোম্বীরৈ অসিগদি খেন্নৈ। অমনা ইন্দিয়াগী মফম অমত্তদা কোম্বীরৈ অসি হৌদে। কোম্বীরৈগা মান্নবা স্পেসিসশিংদি জাপান, চিনা অমদি কোরিয়াদা ফংই। অদুমকপু ভেরাইতি অমদি সব-স্পেসিস খেন্নবরা নৎত্রগা মান্নবরা হায়বদি মখা তানা থিজিনবা অমা মথৌ তারি। ইন্দিয়াদা তোঙান-তোঙানবা আইরিস স্পেসিস ২৩ লে। মণিপুরদা ফংলিবা কোম্বীরৈ অসিনা ইন্দিয়াগী ২৪ শুবা আইরিস ফ্লোরা ওইনা হৌখিবা চহী ইং ২০২৪ দা চনখ্রে।
মহাক্না হায়, ঐখোয়গী পুৱারীগা শাগোন্নরক্লবা লৈ মখল অসি মহৌশা লম্ফেলপাৎ অমদি য়ারলপাৎতা হৌরম্বা অদু ঙসিদি মাঙখ্রে। হৌজিক হৌজিক্কী ওইনা লৈ মখল অসি লোক্তাক অমদি অতোপ্পা পাৎ খরদা অকক্নবা চাংদা হৌরি। মাঙশিল্লক্লবা ঐখোয়গী ‘কোম্বীরৈ’ হায়রিবা লৈ মখল অসি চেকশীন্না ঙাকপী শেনবীহৌদ্রবদি নোংমদি লমদম অসিদগী মূৎখিবা য়াবগী ফীবমদ লৈ।
অসিগুম্বা তাঙলবা লৈ অসিগী মরমদা মীয়ামদা মরীকচুম্না খঙহনবা অমদি লৈ অসিবু ঙাক শেনবদা খরদং ওইরবসু কান্নগনি খল্লগা মহাক্না লাইরিক অসি ইবনি হায়না ফোঙদোকখি।
সোর্স: পোক্নফম
0 কমেন্ট:
কমেন্ট তৌবিয়ু