য়ূম হোংবা — আই এস থিংগোম
মালেমদা মফম অমদগী লাক্তুনা মফম অমদা খুন্দারকপগী লেপ্পা নাইদ্রবা চৎনবী অসিবু colonisation হায়নবদগী লাইরিক লাইশু তম্বগী অচৌবা হীরম অমা ওইনসু চৎনরক্লি। ঐখোয়গী লমদম অসিদসু কোলোনী শেমগৎপগী খুদম কয়া উবা ফংলি। বাংলাদেশতগী লাকপা মীচেনশিংনা থোমজিল্লকপা, বিহার রোমদগী পুশিল্লকপা থৌমিশিংনা চা-বাগানশিংদা খুন্দারকপা, মুসলিমগী মীশিং হেনগৎলকপনা লমদম কয়াদা তাশিল্লকপা অসিনচিংবনি। জিরিবমাদসু উনা উনা ‘বেঙ্গলী হিন্দু’ অমসুং বেঙ্গলী মুসলিমশিংনা হেন্না খুন্দারপদগী ঙসি মণিপুরীগী মীশিং মাইনোরিটি ওইরক্লি। মরম অসিমক্না হন্দক মরক থংন-থংননা বিধানসভাদা মণিপুরী এম.এল.এ কাবা ঙমদ্রিবনি। করিগুম্বা ফুরূপ অনীনা পুন্না লেপখ্রবদি মতুংদসু মণিপুরীগী মীরেপ মায় পাকপা ঙমগনি থাজদে। ফিভম অসিদদি জিরিবামগী মণিপুরী মীরেপ ওইবা তারবদি মফম অদুগী নন-মণিপুরীশিংগী ভোট ফংননবা থৌরাং থৌশিল কয়া চত্থবা তাগনি।
ঐখোয়না পীক্লিঙৈদা খুন হোংবগী শক্তম খরা উখি অদুগা য়ূম হোংবগী পাউ কয়াসু তাখি। মরু ওইনা জিরিবামদা হোংখিবা হোজাই (আসাম) দা হোংখিবা অমসুং মণিপুরগী কুম্বীদা য়ূম হোংখিবা ওয়াফম ঙাক্তনি। অপুনবা কাছাড় (বরাক তম্পাক) লমদমগী হায়রিবা লমদম অহুমসিদা খুন হোংখিবগী মতুং তারকপদা আসামগী কোনুং গুওয়াহাটিদা খুন্দারকপগী লংলবা খুদম অমসু উবা ফংলে। অসুম্না কাছাড়দগী য়ূম হোংখিবসি হেঞ্জিনখিবদগী কাছাড়দা লৈরিবা মণিপুরী মশিং য়ামখৎপা ইঙম ঙমদে। জিরিবাম, হোজাই, গুওয়াহাটিদা লৈরিবা মীশিংনা চাদা ৭০ রোমদি কাছাড়দগী হোংখিবা ঙাক্তনি হায়বদা লাল্লোইদরা হায়না নীংজৈ। অসিগুম্লবা মীশিং লিকপা হায়বসিনা চৈথেং পীরিবা অসি ভোটকী মতাংদনি। মীহুৎ অমা থাংগৎপগী মতাংদনি। মীশিং লীকপসিনা মরম ওইরদুনা লক্ষীপুর, জিরিবাম, হোজাই মফমশিং অসিদগী ঐখোয়গী মীহুৎ থাগৎপদা খুদোং চাবা ইঙম ঙমদে। হায়বদি চোইজাইনখিবা অসিনা মরম ওইরগা অমদসু অমদসু মেজোরিটি ওইবা হেক ঙমজদে হায়বসি ঐখোয়না খঙবা ঙমলে।
অসুম্না খুন হোংলকপদগী মফম অমদা নৌনা খুন্দাদুনা লৈরকপবু ‘কোলোনী’ শেমগৎপা হায়নসু খঙনৈ। মালেমদা মফম অমদগী লাক্তুনা মফম অমদা খুন্দারকপগী লেপ্পা নাইদ্রবা চৎনবী অসিবু colonisation হায়নবদগী লাইরিক লাইশু তম্বগী অচৌবা হীরম অমা ওইনসু চৎনরক্লি। ঐখোয়গী লমদম অসিদসু কোলোনী শেমগৎপগী খুদম কয়া উবা ফংলি। বাংলাদেশতগী লাকপা মীচেনশিংনা থোমজিল্লকপা, বিহার রোমদগী পুশিল্লকপা থৌমিশিংনা চা-বাগানশিংদা খুন্দারকপা, মুসলিমগী মীশিং হেনগৎলকপনা লমদম কয়াদা তাশিল্লকপা অসিনচিংবনি। জিরিবমাদসু উনা উনা ‘বেঙ্গলী হিন্দু’ অমসুং বেঙ্গলী মুসলিমশিংনা হেন্না খুন্দারপদগী ঙসি মণিপুরীগী মীশিং মাইনোরিটি ওইরক্লি। মরম অসিমক্না হন্দক মরক থংন-থংননা বিধানসভাদা মণিপুরী এম.এল.এ কাবা ঙমদ্রিবনি। করিগুম্বা ফুরূপ অনীনা পুন্না লেপখ্রবদি মতুংদসু মণিপুরীগী মীরেপ মায় পাকপা ঙমগনি থাজদে। ফিভম অসিদদি জিরিবামগী মণিপুরী মীরেপ ওইবা তারবদি মফম অদুগী নন-মণিপুরীশিংগী ভোট ফংননবা থৌরাং থৌশিল কয়া চত্থবা তাগনি।
মণিপুরীগী মীশিং লিকপা মফমশিং অসিদা মীশিং হেনগৎহনবা তারবদি ঐহাক্না খঞ্জবা পোলিসি খরদং থমজগে। কাছাড়, ত্রিপুরা অমসুং বাংলাদেশতা খুন্দারিবশিংনা তপ্না তপ্না হায়রিবা মফম অহুমসিদা খুদোংচাবগী মতুং ইন্না য়ূম হোংলক্নবা হোৎনবিয়ু। অদুগা মণিপুরগী তমগী জিলাশিংদগীসু মণিপুরী খরা খরা হায়িরিবা লমদম অহুম অসিদা য়ুম লীংবিয়ু। অদু ওইরবদি লীনসু শিবা চৈশুসু তেক্তবগী ফিভমদা ঐখোয় মশেন পুনশিল্লকপনা খুনাই অমদি নাৎকী ফজবা হেনগৎলক্কনী। মসিবু করম্না তৌগদৌরিবনো ওইথোকপা য়াবা ওয়াফমলনে হায়না হংনরকপা শোয়দ্রবনি। মদুগী পাউখুমসু অমখক্তনি ওইহনগে হায়রগদি মীনা তৌবগুম ঐখোয়সু ‘কোলোনী’ শেম্ননবা হোৎনবগা লোয়ননা মদুগী লম্বেনসু থিবা তাই। বাগান তৌবা ইন্ডাষ্ট্রি লিঙ্থৎপা, টাউনশীপ শেম্বা অমদি অতৈ অতৈ মরম খরদা হিংনবগী লম্বেল লৈরগদি মফম অদুদা খুন্দা লৈতাদুনা লৈবা য়াই। রাজীনিতীদলশিংনা খুৎ থিংজিল্লক্তুনা অপন্ পীবসু য়াওই। ঐনা উজবা ‘কোলোনী’ অমা ইনাক সিদা লৈরে। পোলিটিকেল পার্টি অমদি লিডরশিপ মখোয়বু ভোট ব্যাঙ্ক ওইনা শীজিন্ননবা মখোয়গী মপুক্নিং পেন্ননবা মখোয়গীদমক থবক কয়াসু তৌবা উৎপা ফংই ।
মথক্তা পঞ্জরিবা থৌশিলশিং অসি হৌজিক হৌজিকমক তৌরসি হায়জবা নত্তে। তুংগী মীরোলশিংনা খনগদবা ওয়াখলনি। খন্থরগদি শোয়দনা লম্বীসু থোরক্কনি হায়রিবা ফুরূপ অসিগী ফজরবা শক্তম অমা মপান লমদমসু লৈরকপগী ওয়াখল্লোননি। অদুনা মণিপুরদা জিলা মঙাদা কৃক কৃক ইন্ননা খুন্দানরিবা মীতৈশিং অসিদগী লিশিং মঙা তরাদং খাইদোরক্নবা হোৎনসি হায়জবনি। হায়রিবসি শুংয়া য়ারোই হায়বমক্তি নত্তে। খন্নরগা হোৎনরগা য়াগদৌরিবনি। করিগুম্বা থৌলুপ অমা’নিনা মাইগৈ অসোমদা মায় ওনশিনবা তারবদি শোয়দনা মসিগী মহৈ য়ানগনি হায়না খঞ্জৈ।
0 কমেন্ট:
কমেন্ট তৌবিয়ু