হরেশ্বর গোস্বামীগী ‘খা-গী লৈবাক য়ুনান’ ফোঙখ্রে
ইম্ফাল, ফেব্রুয়ারি ১৬ : হরেশ্বর গোস্বামী (ওজা ইমো) না ইবা ‘খা-গী লৈবাক য়ুনান’ হায়না মিং থোনবা লাইরিক (মৈতৈ ময়েক্কা লোয়নবা অনীশুবা খূৎনম) ঙরাং জে এন মণিপুরী দান্স একাদেমিগী অডিটোরিয়ামদা ফোঙখ্রে।
কংলা পাব্লিকেসন্না শীন্দুনা পাঙথোকখিবা লাইরিক ফোংবগী থৌরম অদুদা মণিপুর সাহিত্য পরিষদকী প্রেসিদেন্ত লোংজম জয়চন্দ্রনা চীফ গেস্ত, সাহিত্য একাদেমি এৱার্দি শরতচান্দ থিয়ামনা প্রেসিদেন্ত অমসুং সাহিত্য একাদেমি এৱার্দি, থোকচোম ইবোহনবিনা গেস্ত ওব ওনার ওইনা শরুক য়াখি।
অইবগী ৱারোল পীরদুনা হরেশ্বর গোস্বামীনা হায়, ২০০৭ তা য়ুনান্দা চৎলুরবা মতুং ‘খা-গী লৈবাক য়ুনান’ কৌবা লাইরিক অমা ইখি। লাইরিক অসি আসাম য়ুনিভার্সিতি, সিলচরগী এম এ মণিপুর সিলেবাস্তা য়াওরি। মহৈরোয়শিংগী অপাম্বগী মতুংইন্না লাইরিক অসিগী সেকেন্দ ইদিসন অসি বেঙ্গলি অমসুং মৈতৈ ময়েক স্কৃপ্তা পুথোকপনি। লমদম অসিদা মে ৩ দগী হৌরকখিবা ঈরাং অসি ঙসিসু লেপ্পা লৈত্রি। অদুবু মহৈ তম্বদা লেপ্পা য়াদবনিনা খুদোংচাদবা কয়া লৈরবসু তঙায় ফদনা লাইরিক অসি ফোঙবনি।
মহাক্না হায়, সাউথ ইস্ত এসিয়াগী লৈবাকশিংগা মণিপুরগা অচেৎপা মরী লৈনদুনা লাক্লি। হায়রিবা মরী অসিগী মরমদা লাইরিক অসিদা ময়েক শেংনা পল্লি। মরম অদুনা মীয়াম্না লাইরিক অসি ইংলিশতসু ফোংনবা হায়রকপা লৈ। অথুবদা ফোংনবা হোৎনরি হায়খি। ঙরাং ফোঙখিবা লাইরিক অদুগী মতাঙদা মণিপুর য়ুনিভার্সিতিগী মণিপুরী দিপার্তমেন্তগী এসোসিয়েসত প্রোঃ ৱাহেংবম কুমারী চনুনা ৱা ঙাঙখি।
সোর্স: পোক্নফম
0 কমেন্ট:
কমেন্ট তৌবিয়ু